| e-texts navigator |
| Wylie |
265a1 དངུལ་ཟངས་ལྕགས་གཡུ་ལ་སོགས།། རིན་པོ་ཆེ་དང་འབྲུ་རྣམས་བསྡུས།། འཁོར་ལོའི་རྩིབས་དང་དབུས་སུ་ནི།། ནཱ་ག་རཱ་ཛ་ས་མ་ཡ་ཛ།། ཞེས་དགོད་དེ་ལྟའི་འཁོར་ལོ་དེ།། ཁམ་སའི
265a2 གའུ་གྲུ་བཞི་པ།། གཞལ་ཡས་ཚུལ་དུ་བྱས་ལ་གཞུག། ལྷ་བཤོས་པད་འདབ་བརྒྱད་པས་མཆོད།། དེ་ནས་གནོད་པའི་ཀླུ་དེ་ཡང་།། ཀླུ་སྨན་ཀླུ་གཟུགས་བཅས་པས་མཆོད།། རིན་ཆེན་ནོར་གྱིས་གང
265a3 བར་བསམ།། ཀླུ་ཡི་འདོད་པ་བྱུང་བར་བསམ།། དུས་འདི་ཚུན་ཆད་གནོད་པ་རྣམས།། མ་བྱེད་ཅེས་པའི་བཀའ་ཡང་བསྒོ།། གནོད་པའི་སྦྱོར་བ་ཞི་བར་འགྱུར།། ཀླུ་གཏའ་སྡོམ་པའི་ལེའུ་སྟེ་སུམ་ཅུ་སོ
265a4 གཅིག་པའོ།། །། ཀླུ་གཏེར་སྦས་པའི་ཐབས་བསྟན་པ།། ཟངས་ལ་གླང་བུ་དམར་པོ་བྱ།། གསེར་དངུལ་ཟངས་ལྕགས་བྱི་རུ་གཡུ།། དེ་རྣམས་གླང་བུའི་ཁོག་བར་གཞུག། ཀླུ་སྨན་སྣ་ཚོགས
265a5 རྙེད་ཚང་བླུག། ཡང་ན་བག་ཙན་དག་ལ་བྱ།། ཁོག་པར་བ་ར་དཀར་མོ་ཡི།། འོ་མར་ཀླུ་སྨན་བཏབ་ལ་བླུག། བྱུ་གུ་གསང་བར་གླང་བུ་བཞག། གཏའ་ལ་མ་ཐ་གཉན་ལ་ཐ།། མི་ཟ་ཡུན་གྱི་གཏེར
265a6 མཛོད་ཅིག། ཅེས་པ་བྲིས་ལ་གཞུག་པར་བྱ།། དེ་ནས་གནོད་པའི་སར་སོང་ལ།། ཀླུ་གཏོར་གཏང་ཞིང་བདེན་པར་བརྡར།། མ་གནོད་ཅིག་པའི་བཀའ་ཡང་བསྒོ།། གླང་བུ་རྫེའུ་གནས་སར
iiif viewer powered by OpenSeadragon
