| e-texts navigator |
| Wylie |
262a1 སྤྲིན་ཐོག་རྒྱོབ།། ཨི་མ་ཀ་ཙ་ལ་ཕྲོམ་ཤིག། དུ་མ་སྤྲིན་ཐོག་རྒྱོབ།། ཐུན་ཕྲོམ་འུར་འུར་ཆེམ་ཆེམ། ལོ་ཐོག་སྣ་ཚོགས་རང་ལ་ཆེམ། ལྷོགས་ལྷོགས་ཞེས།། གོང་གི་ཁྲག་ལ་སྔགས་ལ
262a2 གཏོར།། ཡུལ་ཞིང་ཇི་ཙམ་འདོད་པ་བསྐོར།། གཏའ་ནི་མ་ཕྱུང་བར་དུ་འོང་།། ཐོད་པ་ཕུར་པ་སྔགས་བཅས་སྦ།། ཀླུ་ཡོད་གནས་ནི་འཕྲོག་པར་བྱེད།། ཐོག་དང་སེར་བ་གདོན་མི་ཟ།། གལ་ཏེ་དེས
262a3 ཀྱང་མ་ཕེབས་ན།། རྟ་མཆོག་རྒྱལ་པོའི་སྐུར་བསྒོམས་ལ།། སེང་ལྡེང་ཕུར་པས་སྦལ་པ་གཟེར།། དགུན་ཡང་ཐོག་དང་སེར་བ་འོང་།། སེར་བ་དབབ་པའི་ལེའུ་སྟེ་ཉི་ཤུ་རྩ་དྲུག་པའོ།། ། ནཱ་ག
262a4 ཀླུ་འདུལ་རྒྱུད་ལས་ནི།། ཐུན་མོང་ཁྱད་པར་ཟབ་པ་ཡི།། ཆར་པ་དབབ་པའི་ཆོ་ག་བཤད།། དེ་ལ་ལུགས་ནི་གཉིས་ཡོད་དེ།། ཞི་བས་བསླང་དང་དྲག་པོས་དབབ།། འདི་ནི་ཞི་བའི་དབབ་ལུགས
262a5 ཏེ།། དཀར་གསུམ་མངར་གསུམ་བག་ཕྱེ་ལ།། རིལ་བུ་བརྒྱ་དང་རྩ་བརྒྱད་བྱ།། གསེར་རམ་དངུལ་གྱི་སྣོད་དུ་བླུགས།། བ་ཡི་རྣམ་ལྔས་མཎྜལ་བྱ།། དེ་ནས་བཟླས་པའི་སྔགས་ལ་ཞུགས།། རིལ་བུ་རེ
262a6 ལ་བརྒྱ་རྩ་བརྒྱད།། སྔགས་གྲངས་ཐེམ་པར་གྱུར་པ་དང་།། གང་ཡོད་ཆུ་མིག་ནང་དུ་བླུགས།། སྔགས་གྲངས་ཐེམས་ན་གདོན་མི་ཟ།། ཨོཾ་ནཱ་ག་ཀ་ལ་ཧཱུཾ། ནཱ་ག་ལེ་ཡེ། དུམ་པ་ལེ་ལེ། ནཱ་ག་རཱ་ཛ་ཧཱུཾ
iiif viewer powered by OpenSeadragon
