| e-texts navigator |
| Wylie |
260b1 ཚོམ་སྨྲ།། འབྲོས་ཤིང་འདུག་ཏུ་མི་འདོད་ན།། མ་མོ་རྒྱལ་པོར་བསྡོངས་པའི་རྟགས།། ལག་རྡེབ་མི་ལ་རྒོལ་འདོད་དང་།། ངུ་ཞིང་སྨྲ་བར་བྱེད་པ་ནི།། བདུད་དང་རྒྱལ་པོ་བསྡོངས་པའི་རྟགས།། མ
260b2 ངེས་སྤྱོད་པ་སྣ་ཚོགས་བྱེད།། ཁ་སྐམས་གློ་སྙིང་མི་བདེ་ཞིང་།། ཅོལ་འབྲུས་སྨྲ་ཞིང་འགྲོ་འདོད་ན།། སྲིད་པའི་ལྕམ་དྲལ་གནོད་པ་ཡིན།། བཅོས་པའི་ཐབས་ཀྱང་འདི་ལྟ་སྟེ།། རིག་འཛིན་སྐོངས་ལ
260b3 རྒྱལ་པོ་མཆོད།། ལུག་པོ་དཀར་པོ་གཉིས་པ་ཡང་།། གསོ་བསད་མནན་དང་སྦྱར་བར་བྱ།། སེ་བོ་རྟ་ལ་དཀར་པོ་གཏང་།། ཀླུ་དང་རྒྱལ་པོ་བསྡོངས་པའི་ཚེ།། ཁ་བརྒྱ་ལག་བརྒྱའི་ཀླུ་ལ་གཏང་།། བྱ
260b4 ཕོ་དཀར་པོས་རྒྱལ་པོ་མཆོད།། ར་དཀར་ལུག་དཀར་གཏའ་རུ་གཟུག། བདུད་དང་རྒྱལ་པོ་བསྡོངས་པའི་ཚེ།། ར་རོག་ནག་པོ་མཁལ་དཀར་དང་།། ར་ལྟག་ནག་ལ་ལུག་མིག་གནག། དེ་ནི་རྒྱལ་པོ
260b5 ནག་པོ་ཡིན།། མ་མོ་རྒྱལ་པོ་བསྡོངས་པའི་ཚེ།། བྱ་སྨུག་ལུག་སྐྲག་བྱ་རོག་དཀར།། མདའ་འཕང་བྱ་ཡི་ཕོད་ཀྱིས་བརྒྱན།། ལྕམ་དྲལ་གཉིས་སུ་བསྡོངས་པའི་ཚེ།། མི་རྟ་འབྲི་ཡི་སྙིང་གིས་བསྐང་།། དེ
260b6 ལྟར་གལ་ཏེ་མང་ན་ཡང་།། སྙིང་སྣ་ཁྲག་སྣ་ཚོགས་པ་ཡི།། གཏོར་མ་ཕུད་ཀྱིས་བཅོས་པར་བྱ།། གདོན་ངོས་བཟུང་བའི་ལེའུ་སྟེ་ཉི་ཤུ་རྩ་བཞི་པའོ།། །། བན་བོན་གཏད་དུ་བཅུག་པ
iiif viewer powered by OpenSeadragon
