| e-texts navigator |
| Wylie |
259a1 བརྒྱད་ཐུབ་པའི་རྫས།། སྟག་གི་མཆེ་སྡེར་བཙན་ཐུབ་རྫས།། བྱ་རོག་མགོ་བོ་བདུད་ཐུབ་རྫས།། མུ་ཟི་འབྱུང་པོ་ཐུབ་པའི་རྫས།། སྦྱང་ཁྱིའི་བྲུན་གྱིས་རྒྱལ་པོ་ཐུབ།། གླ་རྩི་གུ་གུལ་ཐེ
259a2 རང་ཐུབ།། ཀླུ་རིགས་བཞི་པོ་ཐུབ་པའི་རྫས།། ཐལ་ཆེན་ཨ་མྲྀ་ཏ་དང་ནི།། མ་ནུ་གསེར་ཚིལ་བྲམ་ཟེ་ཐུབ།། ཕ་བོང་དྲེགས་པས་དམངས་རིགས་ཐུབ།། བ་གླང་ར་གཞོབ་རྗེ་རིགས་ཐུབ།། བཙན་དུག
259a3 དང་ནི་སྐེ་ཚེ་དང་།། ཟི་ར་ནག་པོས་རྒྱལ་རིགས་ཐུབ།། རྗེ་རིགས་དབང་པོ་ལག་པ་དང་།། རྒྱ་མཚོ་ལྦུ་བ་ཆུ་སྲིན་སྡེར།། ཀཎྜ་ཀ་རིས་ཀླུ་འཁོར་ཐུབ།། སྲུང་བའི་ལེའུ་སྟེ་ཉི་ཤུ་རྩ་གཅིག
259a4 པའོ།། །། དེ་ནས་གདུག་པའི་ནང་དབྱེ་བ།། རླུང་ལས་གྱུར་དང་མཁྲིས་པ་དང་།། བད་ཀན་ནད་ལས་གྱུར་པ་དང་།། འདུས་པ་དག་ལས་གྱུར་པ་དང་།། སྲིན་བུའི་ནད་དང་རྣམ་པ
259a5 ལྔ།། རླུང་ལས་གྱུར་པ་སྐྱ་སྦབ་ཤུ་བ་འོང་།། མཁྲིས་པ་ལས་གྱུར་དམར་སེང་ཆུ་བུར་འོང་།། བད་ཀན་ལས་གྱུར་མཛེ་ནད་ནི།། ཤ་ལྤགས་བེམ་ལ་སྤུག་ནག་འཇིལ།། འདུས་པ་དེ་གསུམ་འདུས་པ
259a6 ཡིན།། ད་ནི་སྲིན་བུའི་ནད་རྣམས་དབྱེ།། ཆུ་རྒྱུས་ཟིན་ན་ཞ་གྲུམ་འཐེང་།། རྩ་ལ་ཟིན་ན་ཚ་ཞིང་འཁྲུག། ལྤགས་ལ་ཟིན་ན་སྣ་ཤུ་འོང་།། ཤ་ལ་ཟིན་ན་ཕོལ་འབྲས་འོང་།། ཁྲག་ལ་ཟིན་ན་སྣ་ཁྲག
iiif viewer powered by OpenSeadragon
