| e-texts navigator |
| Wylie |
256a1 དེ།། རང་ཉིད་རྟ་མཆོག་སྐུར་བསྒོམས་ལ།། སྔགས་འདི་བཟླས་ཤིང་རྟ་རྨིག་བརྡུང་།། རུ་རུང་རྡུང་རྡུང་ཁུག་ཛ། རུག་ཐ་ཐན་རི་ཉེ་ལུག་ཛ། ཏི་རྦད་ནཱ་ག་ཉུར་ར་རམ་ཁུག་ཛ། ཅེས་གནོད
256a2 བྱེད་དགུག་ཅིང་རྟ་སུག་བརྡུང་།། གདུག་པ་གཟེར་ཅིང་བརྡུང་བར་བྱ།། གནོད་བྱེད་གང་ཡིན་སོད་པར་འགྱུར།། འབྱུང་པོ་མ་ལུས་སོད་འགྱུར་ན།། དགྲ་བགེགས་གཞན་ལྟ་སྨོས་ཅི་དགོས།། དགུག
256a3 ཅིང་བརྡུང་བའི་ལེའུ་སྟེ་བཅོ་བརྒྱད་པའོ།། །། དེ་ནས་ནཱ་ག་ཀླུ་ཡི་དུག། མི་ལ་ཞུགས་པའི་རྟགས་བསྟན་པ།། རུས་པ་དག་ལ་ཞུགས་པ་ན།། ལུས་པོ་སྐམ་ལ་ཟུག་གཟེར་ཆེ།། ཟང་ངེ་ན་ཞིང་དྲི
256a4 མི་ཞིམ།། ཤ་རོ་འབྱུང་བ་ཤ་ཡི་རྟགས།། རྩ་ལ་ཞུགས་པའི་མཚན་ཉིད་ནི།། ལུས་སྦྲིད་བེར་བེར་བྱེད་པ་དང་།། སྒྱིད་ལུག་པ་དང་སྦྲིད་ལྕི་དང་།། ཚ་ཞིང་ཚ་འབྲབ་བྱེད་པ་དང་།། ཚ་བེར་ཚ་སྒྲེང་ཞུགས
256a5 པ་དང་།། ཚ་ཐང་ཚ་ཀེར་བྱེད་པ་དང་།། ཡན་ལག་ན་བ་རྩ་ཡི་རྟགས།། ཁྲག་ལ་ཞུགས་པའི་མཚན་ཉིད་ནི།། ལུས་ལྕི་སྣ་ཁྲག་སྐབས་སུ་འཛག། ཚ་བེར་འདིར་བ་དཀའ་བ་ཡིན།། ནང་ཁྲོལ་དག་ལ
256a6 ཞུགས་པ་ནི།། གློ་སྙིང་མི་བདེ་སྟོང་སྔགས་བྱེད།། སྙིང་མི་བདེ་ལ་ཚ་ལྟར་ཕྱོ།། བཅུད་ལ་ཆུད་པའི་རྟགས་བསྟན་པ།། ཁུ་ཆུ་མི་འབྱུང་དབང་པོ་ཉལ།། ཁུ་བ་སྒྲོ་མར་འབྱུང་བ་དང་།། ཆུ་ནི་དངས
iiif viewer powered by OpenSeadragon
