| e-texts navigator |
| Wylie |
252a1 བཤད།། ཟབ་ནི་ཞི་བ་ཟླུམ་པོ་ལ།། རྒྱས་པ་གྲུ་བཞི་དབང་ཟླ་གམ།། དྲག་པོ་མཐིང་ནག་གྲུ་གསུམ་མོ།། ཤིང་ནི་ཡལ་ག་རྒྱས་པ་ལ།། ཞི་བ་རྩེ་མོ་དབང་ལ་ལྷུན།། དྲག་པོ་རྩ་བའི་ཤིང
252a2 ལ་བྱ།། རྫས་ནི་ཞི་བ་ཏིལ་དང་མར།། རྒྱས་པ་ཞོ་དང་འབྲས་ཆན་དང་།། དབང་ལ་མངར་བའི་རྫས་ལ་བྱ།། དྲག་པོ་དུག་ཁྲག་ཚ་བའི་རྫས།། སྔགས་ནི་ཞི་བ་ལ་ཤཱན་ཏིང་ཀུ་རུ་སྭཱ་ཧཱ། རྒྱས་པ་ལ་པུཥྚི
252a3 ཀུ་རུ་སྭཱ་ཧཱ།། དབང་ནི་པ་ཤང་ཀུ་རུ་སྭཱ་ཧཱ། དྲག་པོ་མཱ་ར་ཡ་ཕཊ། ལྷ་ནི་རྣམ་པ་གཉིས་ཡིན་ཏེ།། མེ་ལྷ་དང་ནི་དཀྱིལ་འཁོར་ལྷ།། གཉིས་ཀ་ཞི་བ་སྐུ་མདོག་དཀར།། རྒྱས་པ་སེར་པོ་དམར་པོ
252a4 དབང་།། དྲག་པོ་སྐུ་མདོག་ནག་པོར་བསྟན།། སྤྱི་ཡི་དོན་སྐོར་རྣམ་བདུན་གྱིས།། པདྨའི་ལས་བཞིའི་སྦྱིན་སྲེག་རྫོགས།། ཞེས་གསུངས་སོ།། ལས་བཞིའི་སྦྱིན་སྲེག་མཐར་དབྱུང་བའི་ལེའུ་སྟེ་བཅུ
252a5 གཅིག་པའོ།། །། དེ་ནས་ཀླུ་རྒྱལ་རྫུ་འཕྲུལ་གྱི་ལེའུ་ལས། ས་བདག་ཀླུ་གཉེན་འདུལ་བ་དང་།། ཀླུ་ནད་གསོ་བའི་ལེའུ་ལས།། བདག་ཉིད་དབང་ཆེན་སྐུར་བསྒོམས་ལ།། དབུ་ལ་རྟ་མཆོག
252a6 འཐོན་པ་སྟེ།། བྱ་ཁྱུང་རིགས་ལྔ་བསྒོམ་པར་བྱ།། རྡོ་རྗེའི་གཤོག་པ་རེ་རེ་ལ།། བྱ་ཁྱུང་རེ་རེས་གཏམས་པ་ཡིས།། ཐམས་ཅད་དབང་དུ་སྡུད་པ་དང་།། ཀླུ་གཉེན་འདུལ་བའི་གཉེན་པོར་བརྟག། དེ་ལ
iiif viewer powered by OpenSeadragon
