| e-texts navigator |
| Wylie |
251b1 བརྒྱུད།། བྱང་ཤར་མཚམས་སུ་གཞག་པར་བྱ།། འཁོར་ལོ་གྲིས་གཏུབས་ཐོགས་ནས་ནི།། གྲ་དང་མཉམ་པར་བསྲེག་པར་བྱ།། མེ་ནི་ཡུགས་ས་མོ་ལས་བླང་།། གསང་སྔགས་བཟླས་པའི་རིམ་པ
251b2 ནི།། ནཱ་ག་ཙིཏྟ་ཛ་ལ་རཾ་མཱ་ར་ཡ་ཧཱུཾ་ཕཊ། ཅེས་སྦྱིན་སྲེག་བྱའོ།། སྦྱིན་སྲེག་བྱ་བའི་ལེའུ་སྟེ་དགུ་པའོ།། །། དེ་ནས་མནན་པའི་རིམ་པ་ནི།། ལྷ་བསྒོམ་རྫས་བསག་མནན་སྔགས་བཟླས།། ཁྱད
251b3 པར་ལྷ་ཆེན་རི་རབ་འཛིན།། རྫས་བསག་པ་ཡི་རིམ་པ་ནི།། ཆུ་སྲིན་ཉ་སྲམ་སྤྲེ་ཐོད་དུ།། ཐལ་བ་དག་ནི་བླུགས་བྱ་སྟེ།། རྟ་མགྲིན་བྱ་ཁྱུང་འདྲ་བ་བསམ།། ཆུ་སྲིན་འདྲ་བའི་ཁ་རུ་བཙང་།། ནཱ་ག་མཱ་ར
251b4 ཡ་ནན་སྟཾ་བྷ་ཡ་ནན། ཨོཾ་ལཾ་ཧཱུཾ་ལཾ་སྟཾ་བྷ་ཡ་ནན། ཞེས་གནན་པར་བྱའོ།། མནན་པའི་ལེའུ་སྟེ་བཅུ་པའོ།། །། དེ་ནས་ལས་བཞིའི་སྦྱིན་སྲེག་གསུངས།། དཔལ་ཆེན་རྟ་མཆོག་རྒྱལ་པོ་ཡི།། ལས
251b5 ཀྱི་འབྲས་བུ་མངོན་དབྱུང་ཕྱིར།། ལས་བཞིའི་སྦྱིན་སྲེག་བཤད་པར་བྱ།། དེ་ཡང་ཕྲིན་ལས་རྣམ་བཞི་ལ།། དུས་དང་ཕྱོགས་དང་ཟབ་དང་ནི།། རྫས་དང་སྔགས་དང་ལྷ་བསྒོམ་དང་།། སྤྱི་དོན་བདུན་དུ
251b6 ཤེས་པར་བྱ།། དུས་ནི་རྒྱས་པ་སྔ་དྲོ་ལ།། དབང་ནི་ཉིན་ཕྱེད་ཞི་བ་སྲེད།། དྲག་པོ་ཉིན་མཚན་གུང་ལ་བྱ།། ཕྱོགས་ནི་ཞི་བ་ཤར་དུ་བལྟ།། རྒྱས་པ་ལྷོ་ལ་དབང་ནི་ནུབ།། དྲག་པོ་བྱང་དུ་བྱ་བར
iiif viewer powered by OpenSeadragon
