| e-texts navigator |
| Wylie |
249b1 སྦལ་གྲལ་དྲ་བ་སྦྲུལ་ཟར་ཚགས།། ཤིན་ཏུ་འཇིགས་པའི་གཞལ་ཡས་ཁང་།། རྒྱུ་ཡིག་ཧྲཱིཿདེ་གཞལ་ཡས་ཀྱི།། ཉི་ཟླ་པད་ཀླུའི་གདན་སྟེངས་བབས།། དེ་ལས་རྟ་མགྲིན་དབང་གི་སྐུ།། སྐུ་མདོག་དམར
249b2 ནག་ཞལ་གཅིག་པ།། ཕྱག་གཉིས་ཕུར་པ་འདྲིལ་བ་ལ།། ཞལ་གྱིས་སྦྲུལ་ནི་འདྲེན་ཅིང་ཟ།། ཞབས་ཀྱིས་སྦྲུལ་གྱི་མགོ་མནན་པ།། པདྨའི་གཤོག་པས་ཟིལ་གྱིས་གནོན།། ཕྲག་པ་གཡས་གཡོན་སྤྱི
249b3 གཙུག་ཏུ།། སྤྲུལ་པའི་བྱ་ཁྱུང་རེ་རེ་བསྒོམ།། ལུས་པོ་གསེར་ལ་གཤོག་པ་ལྕགས།། མཆུ་སྡེར་ཟངས་ལ་སྡེར་དྲུག་ལྕགས།། ཞལ་གྱིས་སྦྲུལ་ནི་འདྲེན་ཅིང་ཟ།། ཀླུ་རྣམས་སྒྲོལ་ཅིང་ཟ་བར་བསྒོམ།། དེ
249b4 ལྟ་བུ་ཡི་སྐུར་གསལ་དང་།། སྤྲུལ་པ་ཡང་སྦྲུལ་མང་པོ་ཡིས།། གང་བར་བསྒོམ་པ་ཏིང་འཛིན་ནོ།། རང་བཞིན་གནས་ནས་སྤྱན་དྲངས་ཤིང་།། མཆོད་དང་བསྟོད་པ་མ་ལུས་འབུལ།། ཞེས་གསུངས
249b5 སོ།། ལྷ་བསྒོམ་པའི་ལེའུ་སྟེ་གསུམ་པའོ།། །། དེ་ནས་ཡང་འཁོར་གྱི་ཀླུའི་ཚོགས་ཀྱིས་ཞུས་པ།། ཀྱེ་མ་དཔལ་ཆེན་རྟ་མགྲིན་སྐུ།། ཀླུ་རྣམས་ཕུར་པས་ཇི་ལྟར་འདུལ།། དཔལ་ཆེན་ཡབ
249b6 ཀྱིས་བཀའ་སྩལ་པ།། ན་ག་ཕུར་པས་གདུལ་འདོད་ན།། གྲུ་གསུམ་འབར་བའི་མེ་རིས་བསྐོར།། བསད་པའི་མཎྜལ་དེ་ཡིན་པས།། དུག་ཁྲག་སོལ་བས་ནག་པོར་བྱུགས།། ཤར་དུ་ཤ་ལ་ལྷོར་རྡོ།
iiif viewer powered by OpenSeadragon
