| e-texts navigator |
| Wylie |
248b1 རྒྱ་གར་སྐད་དུ། ནཱ་ག་བི་ན་ཡ་ཏནྟྲ་ནཱ་མ། བོད་སྐད་དུ། ཀླུ་འདུལ་བ་ཞེས་བྱ་བའི་རྒྱུད། དཔལ་རྟ་མགྲིན་དྲེགས་པ་ཀླུ་འདུལ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག
248b2 ན། གདུག་པ་ཅན་གྱི་གནས། རྒྱ་མཚོ་ཆེན་པོའི་ཀློང་དཀྱིལ། ཀླུ་ཆེན་པོ་བརྒྱད་ཀྱི་གནས། སྦྲུལ་ནག་འབར་བའི་གཞལ་ཡས། ཤིན་ཏུ་འཇིགས་པའི་གནས་དེ་ན། ཀླུའི་རྗེ་བོ་ཧ་ཡ་གྲཱི་བ་དང་། ལག
248b3 ན་རྡོ་རྗེ་དང་། བྱ་ཁྱུང་ག་རུ་ཌ་རྣམས་ཀྱིས། ཀླུ་རྣམས་འདུལ་བའི་དོན་དུ། ཀླུའི་གནས་སུ་བཞུགས་ཏེ། ནཱ་ག་ཀླུ་འདུལ་གྱི་རིགས་སྔགས་འདི་གསུངས་སོ།། ན་མོ་བྷུདྡྷཱ་ཡ། ཨོཾ་བཛྲ་ཀཱི་ལི་ཀཱི་ལ་ཡ། ནཱ
248b4 ག་དུ་ན་ཙན་དྷེ་ཙན་དྷེ། མི་ལི་མི་ལི། བན་དྷ་བན་དྷ། ནཱ་ག་ནི་སྭཱ་ཧཱ། ཞེས་བརྗོད་པས། ཀླུ་ཐམས་ཅད་སྐྲག་དངངས་ཏེ་བརྒྱལ་བར་གྱུར་ཏོ།། དེ་ནས་ཀླུ་ཆེན་པོ་བརྒྱད་ཀྱིས་འདི་སྐད་ཅེས་གསོལ
248b5 ཏོ།། ཀྱེ་ཀྱེ་དཔའ་བོ་ཆེན་པོ་འཇིགས་བྱེད་དྲག་པོ་གསུམ།། བདག་ཅག་ཀླུ་ཡི་ཚོགས་བཅས་ལ།། བཀའ་དབབ་མི་འཚལ་འབངས་སུ་མཆི།། འབངས་ལ་ནན་ཏན་མ་ཆུང་ཞིག། ཧཱུཾ་ནཱ་ག་རཱ་ཛ་ས་མ་ཡ
248b6 ཛ། ཞེས་ཀླུའི་རྒྱལ་པོ་རྣམས་ཀྱིས་ཕུལ་ལོ།། ནཱ་ག་ར་ཛ་བ་སུ་ཀི་ནི་ཛ་ཛ། ཞེས་ཀླུ་རིགས་བཞིས་ཕུལ་ལོ།། ཀླུ་འདུལ་སྲོག་སྙིང་ཕུལ་བ་གླེང་གཞིའི་ལེའུ་སྟེ་དང་པོའོ།། །། དེ་ནས་ཡང་ཀླུ
iiif viewer powered by OpenSeadragon
