| e-texts navigator |
| Wylie |
247b1 གདུང་།། མཆོད་ཅིང་བཅངས་པ་ཙམ་གྱིས་ནི།། ཞེ་སྡང་ཞི་ནས་མཆོད་བྱེད་འགྱུར།། ལྔ་བརྒྱ་སྟོང་དུ་ལོན་པ་ཡིས།། སྔགས་བཏབ་བསྐུས་ན་དཔག་ཚད་བརྒྱར།། གནོད་པ་ཐམས་ཅད་འབྲོས་པར
247b2 འགྱུར།། དུག་དགྲའི་སྒྲོ་རྩ་སྙིང་དང་ནི།། སྐྲག་ཤང་ལྕགས་མའི་བཅིངས་པ་ཡིས།། ཀླུ་ཡི་བཟུང་ན་བཏང་ནས་ཀྱང་།། དེ་དག་ཕྱིར་ལ་འབྲོས་པར་འགྱུར།། ག་བུར་ཛཱ་ཏི་ཙནྡན་དང་།། གླ་རྩི་གུ་གུལ
247b3 དྲི་ལྔ་ནི།། བཅངས་པས་རབ་ཏུ་བྱེ་བར་འགྱུར།། གུ་གུལ་ནག་དང་དྲི་སྣ་ཚོགས།། བདུགས་ཤིང་བསྲེག་པས་ཀླད་པ་འགས།། དྲི་ལྔ་འཐུངས་པས་ནང་གི་དུག། ཆུས་བཤལ་སྣོད་བཞིན་སེལ་བར
247b4 འགྱུར།། གུ་གུལ་གླ་རྩི་ལུས་བྱུགས་པས།། མེ་ལྕེས་སྦྲང་བུ་བསྲེགས་པ་ལྟར།། ཐམས་ཅད་མྱུར་དུ་འབྲོས་པར་འགྱུར།། རིག་པའི་རྒྱལ་པོ་གསང་སྔགས་འཆང་།། སྔགས་དང་ཕྱག་རྒྱ་རྟེན་འབྲེལ
247b5 གྱིས།། ནུས་པ་བསམ་གྱིས་མི་ཁྱབ་པས།། འབད་པར་བྱ་ཞིང་བརྩོན་པར་གྱིས།། དཔལ་རྟ་མགྲིན་གྱི་རྒྱུད་ལས།། རྫས་ཀྱི་བསྲུང་བའི་ལེའུ་སྟེ་ལྔ་པའོ།། །། དེ་ནས་རིག་པའི་རྒྱལ་པོ་རྟ
247b6 མཆོག་སྟན་ལས་ལངས་ཏེ།། ཁྲོ་བོའི་སྟངས་སྟབས་ཀྱིས་བཅོམ་ལྡན་འདས་ལ་བསྟོད་པ།། སྟོན་པའི་རྒྱལ་པོ་རིགས་སྔགས་འཆང་།། བགེགས་རིགས་སྟོང་ཕྲག་འཇོམས་མཛད་པ།། ཐབས་དང་ཤེས
iiif viewer powered by OpenSeadragon
