| e-texts navigator |
| Wylie |
246a1 བཞི་འཆོལ་བའི་ཕྱག་མཚན་དང་།། སྐུ་མདོག་སྣ་ཚོགས་གཙོ་ལ་ཕྱོགས།། རྡོ་རྗེའི་ས་གཞི་གཅིག་པ་དང་།། ར་བ་དྲ་བ་གདུགས་ཀྱང་དབུབ།། མཚོན་ཆ་མེ་རི་འཁོར་ལོ་བསྒོམ།། བྱད
246a2 བྱེད་རྣམ་ལ་སྐྲག་མི་དགོས།། དཔལ་རྟ་མཆོག་གི་རྒྱུད་ལས། སྲུང་བའི་འཁོར་ལོ་བསྡོམ་པའི་ལེའུ་སྟེ་གསུམ་པའོ།། །། དེ་ནས་ཡང་དག་བཤད་བྱ་བ།། ཐུགས་རྗེའི་བདག་པོ་ལེགས་པར
246a3 ཉོན།། ཟློག་པའི་འཁོར་ལོ་གང་འདོད་པ།། བདེ་བའི་སྟན་ལ་གནས་ནས་ནི།། བྱ་ལ་མ་ཁམས་སུ་ཡཾ་དང་བཾ།། ལཾ་དང་རཾ་ལས་འབྱུང་བ་ཡི།། འཁོར་ལོ་རྣམ་པར་བསྒོམ་པར་བྱ།། བྷྲཱུཾ་ལས་འཁོར་ལོ
246a4 རྩིབས་བརྒྱད་པ།། རྩིབས་སྟེང་རྡོ་རྗེའི་གཞལ་ཡས་ཁང་།། རྟ་མཆོག་ཞལ་གཉིས་ཕྱག་བཞི་པ།། མདའ་གཞུ་འགེངས་ཤིང་རྟ་སྐད་སྒྲོག། ཕྱོགས་བཞིར་རིགས་ཀྱི་ཁྲོ་བོ་བསམ།། ཤརརི་གྱི་འཁོར་ལོའི
246a5 རྩིབས་ལ་ནི།། བདུད་ལས་རྒྱལ་བྱེད་མདོག་དཀར་བ།། ཞལ་གཅིག་ཕྱག་གཉིས་རྡོ་རྗེ་འཕྱང་།། སྡིགས་མཛུབ་གཡོན་པས་བགེགས་རྣམས་བསྲེག། ལྷོ་རུ་ཁྲོ་བོ་གཟི་བརྗིད་འབར།། མདོག་སེར་ཧ
246a6 ཧའི་སྒྲ་སྒྲོག་པ།། རྡོ་རྗེ་བྱུག་ཐོ་གཡས་དང་གཡོན།། ནུབ་ཏུ་རྔམ་པའི་སྒྲ་སྒྲོག་པ།། རྡོ་རྗེ་གཡས་འཛིན་སྦྲུལ་ཞགས་གཡོན།། འཛིན་པས་ཀླུ་རྣམས་དབང་དུ་སྡུད།། བྱང་གི་འཁོར་ལོའི་རྩིབས་ལ
iiif viewer powered by OpenSeadragon
