| e-texts navigator |
| Wylie |
243a1 རྒྱ་གར་སྐད་དུ། པྲཥྤཾ་གི་ར་མ་ཧཱ་བ་ལ་ཧ་ཡ་གྲི་ཝ་ཏནྟྲ་ནཱ་མ། བོད་སྐད་དུ། ཕྱིར་བཟློག་པ་སྟོབས་ཆེན་རྟ་མགྲིན་གྱི་རྒྱུད་ཅེས་བྱ་བ། ཐུགས་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང
243a2 ཕྱུག་ལ་ཕྱག་འཚལ་ལོ།། འདི་སྐད་བདག་གིས་ཟོས་པའི་དུས་གཅིག་ན། བཅོམ་ལྡན་འདས་བདུད་ཐམས་ཅད་རྡོ་རྗེ་དང་འཁོར་ལོས་རྣམ་པར་འཇོམས་པའི་ཏིང་ངེ་འཛིན་ལ་རི་བོ་ཏ་ལའི་སྤོ་ལ་ཁྲོ་བོའི་རྒྱལ་པོ་བདུད
243a3 ལས་རྣམ་པར་རྒྱལ་བ་ལ་སོགས་པ་དང་ཐབས་ཅིག་ཏུ་སྙོམས་པར་ཞུགས་ཏེ།། ཁྲོ་བོའི་རྒྱལ་པོ་རྟ་མཆོག་ལ། གང་དག་བདུད་ལ་སོགས་པས་གཙེས་པ་རྣམས་ལ་ཐུགས་རྗེས་སྐྱོབས་ཤིག་ཅེས་བཀའ་སྩལ་ཏོ།། རྟ
243a4 མཆོག་གིས་གསོལ་པ།། ཇི་ལྟར་བསྐྱབ་པ་དང་བསྲུང་བ་བཅོམ་ལྡན་འདས་ཀྱིས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། ལེགས་ལོ་ལེགས་སོ་རྟ་མཆོག་རྒྱལ།། ཐུགས་རྗེའི་བདག་པོ་སྟོབས་པོ
243a5 ཆེཚེ།། རིགས་པའི་རྒྱལ་པོ་གསང་སྔགས་འཆང་།། མདོག་དམར་བྱུ་རུའི་མདོག་ལྟ་བུ།། ཁྱོད་ལ་བཤད་ཀྱིས་ལེགས་པར་ཉོན།། དེ་ནས་ཁྲོ་བོ་བདུད་ལས་རྒྱལ་བ་ལ་སོགས་པས་གཡས་ནས་འགྱིང་བའི་ཚུལ་གྱིས་རྟ
243a6 མཆོག་ལ་བསྟོད་པ། རྟ་མཆོག་རྒྱལ་པོ་རིགས་སྔགས་འཆང་།། ཐུགས་རྗེའི་བདག་པོ་སྟོབས་པོ་ཆེ།། སངས་རྒྱས་ཀུན་གྱིས་བྱིན་གྱིས་བརླབས།། རིག་པའི་རྒྱལ་པོ་གང་གསུངས་པ།། ཡེ་ཤེས་ཁྲོ་བོ་ཁྱོད་ཀྱིས
iiif viewer powered by OpenSeadragon
