| e-texts navigator |
| Wylie |
242b1 སྟོང་པའི་དབྱིངས།། ཉམས་པའི་ཆད་པ་བྱུང་བ་ལ།། མགོན་ཚུལ་དེ་ལས་གཞན་མེད་དོ།། ཞེས་གསུངས་སོ།། བཟློག་སྲུང་ཁྱད་པར་དུ་བསྟན་པའི་ལེའུ་སྟེ་ཉི་ཤུ་རྩ་གཅིག་པའོ།། །། དཔའ་བོ་ཡབ་ཀྱིས་བཀའ
242b2 སྩལ་པ།། བསྟན་པ་བསྲུང་བའི་ལྕམ་དྲལ་ཁྱེད།། བསྟན་པའི་རྒྱུད་འདི་གང་གནས་པར།། ང་ཡི་བསྟན་པ་དེ་ན་གནས།། ཁྱེད་ཀྱིས་བསྟན་པ་བསྲུང་བར་གྱིས།། ཐ་ཚིག་བསྟན་ལས་མ་འདའ་བར།། རྣལ་འབྱོར་དམ
242b3 ལྡན་བསྟན་པ་སྲུངས།། སངས་རྒྱས་བསྟན་པ་འཇིག་པ་དང་།། བླ་མའི་དབུ་འཕང་སྨོད་པ་དང་།། རྣལ་འབྱོར་སྐུ་ལ་བསྔོ་བའི་དགྲ།། ཁྱེད་ཀྱིས་མྱུར་དུ་བསྒྲལ་བར་གྱིས།། ཞེས་ལས་ཀྱི་གཉེར་གཏད་དོ།། གཙོ་བོ
242b4 ཡབ་ཡུམ་ཆོས་ཉིད་ལ་གནས་སོ།། ལྕམ་དྲལ་གཉིས་བསྟན་པའི་སྲུང་མར་བཞག་གོ། དཔལ་རྟ་མགྲིན་གསང་བའི་ཕྲིན་ལས་དྲག་སྔགས་དཔའ་བོ་གཅིག་པའི་རྒྱུད་ལས། མཇུག་ལས་ཀྱི་གཉེར་གཏད་པའི་ལེའུ་སྟེ་ཉི
242b5 ཤུ་རྩ་གཉིས་པའོ།། །། དཔལ་རྟ་མགྲིན་དཔའ་བོ་གཅིག་པའི་གསང་བ་ཕྲིན་ལས་ཀྱི་རྒྱུད་རྫོགས་སོ།། །། སློབ་དཔོན་པདྨས་རྒྱལ་པོ་ཁྲི་སྲོང་ལྡེ་བཙན་དང་།། ངན་ལམ་རྒྱལ་བ་མཆོག་དབྱངས་ལ
242b6 གདམས་པའོ།། ཤོག་སེར་གྱི་ཚ་བོ་ལས་ཞུས་སོ།། གཏེར་རྒྱ། སྦས་རྒྱ། གཏད་རྒྱ། རྒྱ་རྒྱ་རྒྱ།། །
iiif viewer powered by OpenSeadragon
