| e-texts navigator |
| Wylie |
242a1 བྲལ་བ་ཡིན།། སྲོག་གཅོད་པ་ཡི་ལས་རྣམས་ནི།། བསྟན་སྲུང་ཕྱི་རབས་མ་གཏོགས་པ།། ཕྲན་ཚེགས་ཙམ་ལ་བྱས་པ་ན།། སྔགས་པ་བདུད་ཀྱི་ལས་བྱས་པས།། ཤི་ནས་རྡོ་རྗེ་དམྱལ་བར་ལྟུང་།།
242a2 བས་ལེགས་པར་ཤེས་པར་བྱ།། ཞེས་གསུངས་སོ།། བསྒྲལ་བ་ཁྱད་པར་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་ཡང་དག་བཤད་བྱ་བ།། ནམ་ཞིག་དུས་ངན་ཐ་མ་ལ།། སྔགས་པ་རྦོད་གཏོང་ནད་འགྲས
242a3 བྱེད།། དེ་ཚེ་མཉམ་གཉིས་ཁྱད་འོང་ན།། ནད་དང་གདོན་རྣམས་བསྲུང་བ་དང་།། ཕྲིན་ལས་དམིགས་སུ་གང་བྱེད་ཀྱང་།། རང་ཉིད་རྟ་མགྲིན་སྐུར་གསལ་ན།། ཅིས་ཀྱང་ཚུགས་པར་མི་འགྱུར་ཏེ།། བསྲུང་བའི་མཆོག
242a4 ཏུ་འདི་འགྱུར་རོ།། ཅིས་ཀྱང་མི་ཚུགས་མི་ཤིགས་པ།། སྟོང་པའི་གོ་ཆ་བླ་ན་མེད།། འདི་ནི་སྲུང་བའི་རྒྱལ་པོ་ཡིན།། རྣམ་པར་རྟོག་པ་བགེགས་ཡིན་ཏེ།། བགེགས་ནི་རང་གི་སེམས་ལས་བྱུང་།། སེམས་ཉིད་ཡེ་ནས
242a5 དག་ཤེས་ན།། གཞན་ན་བགེགས་ཞེས་བྱ་བ་མེད།། དེ་ལྟར་ཤེས་ན་བགེགས་ལས་གྲོལ།། གདོན་འཇོམས་པ་ནི་མཆོག་ཏུ་འགྱུར།། སེམས་ཉིད་རིག་པའི་རྩལ་ཐོན་ན།། སྨན་པ་ཆེ་མཆོག་གཙོ་བོ་སྟེ།། ཟུག་རྔུ་འབྱིན
242a6 པ་བླ་ན་མེད།། ནད་དོ་ཅོག་གི་དགྲ་ཆེ་བ།། སྨན་རྣམས་མ་ལུས་ལྗོན་པའི་ཤིང་།། སེམས་ཀྱི་བྱ་བ་མ་གཏོགས་པ།། སངས་རྒྱས་ཆོ་འཕྲུལ་ལོགས་ན་མེད།། ཐམས་ཅད་གཉིས་མེད་རྟོགས་འགྱུར་ན།། དེ་མི་དོན་དམ
iiif viewer powered by OpenSeadragon
