| e-texts navigator |
| Wylie |
241b1 དེ།། རྟ་མགྲིན་ཆོས་སྐུ་རང་ལ་གནས།། རང་གསལ་མ་འགགས་ཤར་བ་ནི།། ལོངས་སྤྱོད་རྫོགས་པའི་རྟ་མགྲིན་ཡིན།། རིག་པའི་རྩལ་དུ་མ་འགགས་ཤར།། སྤྲུལ་པའི་སྐུ་ཡི་རྟ་མགྲིན་ཡིན།། སྐུ་གསུམ་མ་བསྒྲུབས
241b2 རང་ལ་རྫོགས།། རྟ་མགྲིན་སྲོག་ཐོབ་མ་བསྒྲུབས་འགྲུབ།། ཅེས་གསུངས་སོ།། གསང་བ་ལྟར་སྲོག་འཕྲོག་པའི་ལེའུ་སྟེ་བཅུ་དགུ་པའོ།། །། དེ་ནས་ཡང་དག་བཤད་བྱ་བ།། ཕྱི་ནང་གསང་བའི་སྲོག་ཐོབ
241b3 ནས།། དགྲ་བགེགས་ལ་སོགས་སྒྲོལ་འདོད་ན།། བདག་ཉིད་ལྷ་ཡི་སྐུར་གསལ་ནས།། ཡིད་ཀྱི་འཛིན་ཕུར་ཐེབས་པ་ནི།། བཟློག་པ་ཧེ་རུ་ཀས་མི་བསྐྱོད།། གསོད་བྱེད་སྙིང་གི་རྩ་བ་ཅན།། ལྟ་བ་གདེང་དུ་ཆུད་པ
241b4 དེས།། ལྷ་སྲིན་སྲོག་ཐོབ་གནད་ལ་དབབ།། དུས་ལ་བབས་པའི་སྐབས་ཆེན་ཡིན།། དུས་མ་ཡིན་ན་ཐུགས་རྗེ་ཡིན།། རྣམ་པར་སྨིན་པའི་ཕུང་པོ་འདི།། བསྒྲལ་བ་འབའ་ཞིག་ཐུགས་རྗེའི་མཆོག། སྟོང་གསུམ་མ་ལུས
241b5 སྲོག་བཏོན་པའི།། འབུམ་གྱི་ཆར་ཡང་མི་ཕོད་དེ།། བསྟན་པ་འཇིག་དང་རང་གཞན་སྨོད།། རྣལ་འབྱོར་སྐུ་ལ་བསྔོ་བ་ལ།། སྲོག་འཕྲོག་བླ་དང་ལུས་སེམས་དཔྲལ།། སྲོག་ནི་ཡི་གེ་ནརྀ་རུ་གནས།། ཧུར་ཟུམས་ཛ་ཡིས
241b6 སྙིང་ནས་འདྲེན།། མཱ་ར་ཡ་ནི་གསོད་པའི་སྔགས།། སྲོག་གཅོད་སྤུ་གྲི་འབྲུ་བཞི་པའོ།། བླ་ནི་འཁྱམས་པ་རྣམ་བཞི་སྟེ།། རང་དབང་མེད་པར་བསད་པ་ཡིས།། ཕུང་པོ་རྡོས་པ་ཕྱིར་བཞག་ནས།། ལྟོས་མེད་ལུས་སེམས
iiif viewer powered by OpenSeadragon
