| e-texts navigator |
| Wylie |
241a1 མེད།། དེ་ཉིད་སེམས་ཀྱི་ཆོ་འཕྲུལ་གྱི།། སེམས་ལས་མ་གཏོགས་ཆོས་གཞན་མེད།། སེམས་ལས་བྱུང་ཞིང་སེམས་ལ་སྤྱོད།། དཔལ་ཆེན་རྟ་མགྲིན་ཡབ་ཡུམ་ནས།། ལས་ཀྱི་སྒྲོལ་བའི་ལྕམ་དྲལ
241a2 ཡང་།། མི་མཉམ་མཉམ་པར་ཡེ་ནས་གནས།། མཉམ་ཉིད་ཆེན་པོ་ཆོས་ཀྱི་སྐུ།། སྲོག་ནི་མ་ཡེངས་ས་མ་དྷི།། སྙིང་པོ་རང་དབང་མེད་པའི་སྔགས།། དངོས་སུ་བྱུང་ན་ལས་ལ་བསྐུལ།། ལས་མདོ་ཉི་ཤུ་རྩ་གཅིག
241a3 གིས།། གང་འདོད་དམིགས་པའི་ཕྲིན་ལས་བཅོལ།། ཐུན་མོང་སིདྡྷི་དེ་ལས་འབྱུང་།། ཞེས་གསུངས་སོ།། ནང་ལྟར་སྲོག་འཕྲོག་པའི་ལེའུ་སྟེ་བཅོ་བརྒྱད་པའོ།། །། དེ་ནས་ཡང་དག་བཤད་བྱ་བ།། གསང་བ
241a4 སྲོག་འཕྲོག་འདི་ལྟ་སྟེ།། སེམས་ཉིད་ངོ་བོ་རྟ་མགྲིན་ཏེ།། ལོགས་ནས་བསྒོམ་ཞིང་བསྒྲུབ་ཏུ་མེད།། རང་སེམས་གསལ་ལ་མ་འགགས་པ།། རང་བྱུང་རང་ཤར་ཅིར་ཡང་སྣང་།། ཞི་བ་སྤྱན་རས་གཟིགས་སུ
241a5 སྣང་།། ཞལ་དང་ཕྱག་ནི་ཅིར་ཡང་སྣང་།། སྐུ་མདོག་སྣ་ཚོགས་གང་ཡང་སྣང་།། དེ་དག་སེམས་ཀྱི་ཆོ་འཕྲུལ་ཡིན།། རང་རྒྱུད་པ་ཞིག་བསྒྲུབ་ཏུ་མེད།། ཁྲོ་བོ་དབང་ཆེན་རྟ་མགྲིན་ཏེ།། ཞལ་དང་ཕྱག་ནི་ཅིར་ཡང
241a6 སྣང་།། པདྨའི་རིགས་ཏེ་སྐུ་མདོག་དམར།། དེ་ཡང་མ་ངེས་སྣ་ཚོགས་ལ།། ཐམས་ཅད་སེམས་ཀྱི་ཆོ་འཕྲུལ་ཡིན།། སེམས་ལ་རྒྱུ་དང་རྐྱེན་མེད་པས།། རང་བྱུང་རང་སར་རང་སར་གྲོལ།། ངོ་བོ་སྟོང་པར་འདུག་པ
iiif viewer powered by OpenSeadragon
