| e-texts navigator |
| Wylie |
240b1 ཀྱི་ལེའུ་སྟེ་བཅུ་དྲུག་པའོ།། །། དེ་ནས་ཡང་དག་བཤད་བྱ་བ།། དབང་ཆེན་རྟ་མགྲིན་ཡབ་ཡུམ་དང་།། ལྕམ་དྲལ་བཅས་པའི་སྲོག་འཕྲོག་པ།། གདོང་དམར་དྲེད་ཀྱི་ཐོད་པ་ལ།། ཡབ་ཡུམ་ལྕམ་དྲལ་སྐུ
240b2 གཟུགས་བྲི།། དམིགས་པའི་རྟེན་དུ་མཁས་པས་གཞག། བ་ལིཾ་རཀྟ་སྨན་ཕུད་བཤམས།། རྣལ་འབྱོར་གོས་དང་རྒྱན་ལ་སོགས།། དམར་པོར་བྱས་ལ་ནུབ་ཏུ་བལྟ།། པདྨ་རཱ་གའི་ཕྲེང་བ་བགྲང་།། ཐོད་པའི་ལྷ་ལ
240b3 དམིགས་པ་གཏད།། ཡབ་ཡུམ་ལྕམ་དྲལ་དངོས་སུ་དམིགས།། ཤེས་པ་མི་འཕྲོ་རྩེ་གཅིག་གཞག། དེ་ལ་དམིགས་པ་གཏད་པ་དང་།། རང་ཉིད་རྟ་མགྲིན་སྐུར་བསྒོམས་ལ།། ལས་བྱེད་ལྕམ་དྲལ་ལས་ལ་བཏང་།། ཧྲི
240b4 བྷྱོ་ཏྲག་རཀྑ་ཛ་བྷྱོ།། དཔལ་གྱི་རྟ་སྐད་ཐེངས་གཅིག་གིས།། ཁམས་གསུམ་མ་ལུས་དབང་དུ་བསྡུ།། མ་མོའི་བྷྱོ་སྐད་ཐེངས་གཅིག་གིས།། སྲིད་པའི་མ་མོ་ལས་ལ་བཀོལ།། རྣལ་འབྱོར་ཧྲཱིཿསྐད་ཐེངས་གཅིག
240b5 གིས།། སྲིད་གསུམ་གདུག་པའི་དགྲ་བགེགས་བསྒྲོལ།། ཞེས་གསུངས་སོ།། ཕྱི་ལྟར་སྲོག་འཕྲོག་པའི་ལེའུ་སྟེ་བཅུ་བདུན་པའོ།། །། དེ་ནས་ཡང་དག་བཤད་བྱ་བ།། ནང་ལྟར་སྲོག་འཕྲོག་སྒྲུབ་པ
240b6 ནི།། དབང་ཆེན་རྟ་མགྲིན་ཡབ་ཡུམ་དང་།། སྤྲུལ་པ་ལྕམ་དྲལ་བཅས་པ་དེ།། གྲུབ་ནས་དངོས་སུ་ཞལ་མཐོང་ཡང་།། དེ་ལ་དངོས་སུ་བཟུང་བ་ན།། ལས་ཀྱི་སྲིན་པོ་སྲིན་མོ་དག། དངོས་སུ་མཐོང་དང་ཁྱད་པར
iiif viewer powered by OpenSeadragon
