| e-texts navigator |
| Wylie |
239a1 བཏབ་ལ་ལིངྒ་བསྲེག། དགྲ་བགེགས་མྱུར་དུ་སྒྲོལ་བར་འགྱུར།། ཞེས་གསུངས་སོ།། ཐུན་སྔགས་ཀྱིས་བསད་པའི་ལེའུ་སྟེ་བཅུ་བཞི་པའོ།། ། ལྷམ་དྲལ་གཉིས་ཀྱིས་ཡང་གསོལ་པ།། ལས
239a2 ཀྱི་མདོ་ཟུང་ཇི་ལྟར་ལགས།། དཔའ་བོ་ཡབ་ཀྱིས་བཀའ་སྩལ་པ།། ཕན་གནོད་ལས་ཀྱི་མདོ་ཁ་ནི།། གང་ལ་བྱ་བ་དམིགས་ལ་བྱ།། ལྟས་ངན་མ་མོའི་གཟུགས་བཅས་རྦད།། རྨི་ལམ་ཐུན་བྲབ་དགྲ་ལ་བཟློག། སྨྱོ
239a3 འབོག་ཟང་ཕྲོམ་ཐུན་གྱིས་བྲབ།། སེར་བ་དག་ལ་ཕུར་པས་གཟིར།། ཐོག་གི་ཐོད་སྙིང་ཐོད་པར་བསྒྲུབ།། རང་སྲུང་ཕྱི་གྲུབ་ཞྭ་ལ་བྱ།། ཆར་འདོད་ཀླུ་ལ་ཕུར་པས་གཟིར།། ཐོག་སེར་ཁ་ཆར་ཕུར་པས་བཟློག། རྦོད
239a4 གཏོང་གཏོར་མའི་ཐུན་གྱིས་བཟློག། རྨི་ལམ་ངན་པ་ཐལ་བརྡབ་བཟློག། དུས་མིན་འཆི་བ་འཆི་བདག་གཟིར།། ཚེ་རིང་བུམ་པར་ཚེ་བསྒྲུབ་བྱ།། བསོད་ནམས་ལོངས་སྤྱོད་རྫས་ཀྱིས་བསྒྲུབ།། རིགས་འདོད་སྲུང་སྐུད
239a5 སྐྱེ་ལ་གདགས།། ནང་འགྲས་མཆོད་རྟེན་དམར་པོར་བྱ།། ངག་མནན་ལྕེ་ལ་ཕུར་པས་གཟིར།། ངག་འགྲོལ་རང་ལྕེ་རྡོ་རྗེར་སྒོམ།། ཀླུ་གཏད་པ་དམར་གླང་རུར་བྱ།། ཤུགས་སྒྲོལ་ཉུང་དཀར་གཟུགས་ལ་བརྡེག། ཛག
239a6 འཆིང་མི་སྙིང་ཉུང་དཀར་སྒྲུབ།། དབྱེ་བ་བྱ་རོག་འུག་སྒྲོས་བྱ།། དབང་སྡུད་ཟངས་ཀྱི་ག་འུར་བསྒྲུབ།། སེལ་ནི་དཀོར་རྫས་ཐོད་ངན་སྦ།། ལས་མདེ་ཉི་ཤུ་རྩ་གཅིག་པོས།། དཔའ་བོའི་ལག་ཏུ་མཚོན་བསྐུར
iiif viewer powered by OpenSeadragon
