| e-texts navigator |
| Wylie |
238a1 བར་དུ་ལིངྒ་གཞུག། མངའ་གསོལ་བྱིན་བརླབ་དབང་བསྐུར་བྱ།། དགུག་གཞུག་བྱས་ལ་དམིགས་པ་བྱ།། དགྲ་བགེགས་མཚོན་ཆའི་ཙཀྲས་གཏུབ།། གང་ལ་བྱ་བ་བརླག་པར་བསམ།། སྔགས་ལ
238a2 ཙཀྲའི་ལས་སྔགས་གདགས།། འཁོར་ལོ་འཕར་དང་ལྡེག་པ་དང་།། དགྲ་བགེགས་སོད་པའི་རྟགས་བྱུང་ན།། ཙཀྲའི་བར་གྱི་ལིངྒ་དབྱུང་།། ཕུར་པས་གདབ་ཅིང་མི་ལ་བསྲེག། ཐལ་བ་ཉ་བོ་བྱས་པ་ལ།། སྙིང་གར
238a3 དགྲ་བགེགས་མིང་རུས་གཞུག། ལྷ་ཁང་ཐེམ་འོག་མཆོད་རྟེན་རྨད།། རྒྱ་གྲམ་ལམ་ལ་སོགས་པར་མནན།། ཙཀྲ་བསྒྲུབ་པའི་རྟེན་དུ་བཟུང་།། ནམ་དགོས་དུས་ན་ལས་ལ་སྦྱར།། ཞེས་གསུངས་སོ།། གསང་བ་ཙཀྲ་ལྷ
238a4 ཞལ་ལ་བརྟེན་ནས་བསྒྲུབ་པའི་ལེའུ་སྟེ་བཅུ་གཅིག་པའོ།། །། དེ་ནས་ཡང་དག་བཤད་བྱ་བ།། མོ་གྲུབ་སྣརེལ་གྲིའི་སྙིང་ཐུན་ནི།། སྣརེལ་གྲི་མོ་ཡི་ཐོད་པ་རུ།། པདྨ་རཀྟའི་མཚལ་གྱིས་བྱུག། དབུས་སུ་གྲུ
238a5 གསུམ་སྲོག་སྙིང་བྲི།། སྣརེལ་གྲིའི་སྙིང་དུ་ལིངྒ་གཞུག། ཚོན་སྐུད་དམར་པོས་ལིངྒ་བཅིངས།། ལེ་བརྒན་དར་གྱིས་ཐོད་ཁ་བཅད།། སྲོག་རྩ་བྱ་རྒོད་སྒྲོ་རྩའམ།། ཟངས་ཀྱི་སྦུ་གུར་གཞུག་པར་བྱ།། ཁ་ཁེབས་དཀྱིལ་དུ
238a6 མཐོངས་ཕྱེ་གཞུག། ལིངྒའི་ཚོན་སྐུད་ཡར་ལ་དྲངས།། སེང་ལྡེང་མཛོ་མོའི་ཕུར་པ་གཉིས།། ལྕམ་དྲལ་གཉིས་སུ་མངའ་གསོལ་བསྟོད།། སྣརེལ་གྲི་འབྲུབ་ཁུང་ནག་པོར་གཞུག། ཉུང་དཀར་ཉུང་ནག་ཐུན་བསྒྲུབས
iiif viewer powered by OpenSeadragon
