| e-texts navigator |
| Wylie |
237a1 བསྒྲུབ་པའི་རྟེན་དུ་གཟུང་།། སྲིད་པའི་ཕོ་རྒྱུད་མོ་རྒྱུད་ཀྱི།། སྲོག་ལུས་བླ་གསུམ་ཟིལ་མནན་ནས།། བཀའ་ཉན་མི་ལྡོག་ལས་ཀུན་བྱེད།། ཅེས་གསུང་སོ།། ཕྱི་རྟ་ཟོད་ལྷ་ཞལ་ལ་བརྟེན་ནས་བསྒྲུབ་པའི
237a2 ལེའུ་སྟེ་དགུ་པའོ།། །། དེ་ནས་ཡང་དག་བཤད་བྱ་བ།། དམིགས་པ་རྟེན་གྱི་དམ་རྫས་ནི།། གདོང་དམར་དྲེད་ཀྱི་ཐོད་པའམ།། སྟོབས་ཆེན་དམར་པོའི་ཕོ་ཐོད་ལས།། རྟ་མགྲིན་ཡབ་ཡུམ་ཞལ་བྲིས་ལ།། དམིགས
237a3 པའི་རྟེན་དུ་མཁས་པས་བཞག། གོམས་འདྲིས་བརྟན་པར་གྱུར་པ་དང་།། རང་ཉིད་ལྷ་རུ་བསྒོམ་པར་བྱ།། རང་ཉིད་ལྷ་རུ་གསལ་ཙམ་ན།། གཉིས་སུ་ཕྱེ་ལ་བསྒོམ་པར་བྱ།། མང་དུ་བསྒོམ་དང་ཉུང་དུ
237a4 བསྒོམ།། གཅིག་ལས་དུ་མར་སྤྲོ་བ་དང་།། དུ་མ་གཅིག་ཏུ་བསྡུ་བ་དང་།། ཇི་ལྟར་འདོད་པ་དེ་འོང་ན།། སྐད་ཅིག་དྲན་རྫོགས་ལྷ་རུ་བསྒོམ།། སྤྱོད་ལམ་རྣམ་བཞི་ལམ་དུ་འཁྱེར།། དེ་ལ་རྟེན་པ་ཐོབ་པ་དང་།། ལྷ་དེ
237a5 སེམས་ཀྱི་ངོ་བོར་བལྟས།། སེམས་ཉིད་ལྷ་ཡི་རང་བཞིན་ལས།། རང་བྱུང་མ་སྐྱེས་ཡེ་ནས་གནས།། མ་བསྒྲུབས་རང་ལས་བྱུང་བར་སྣང་།། རྟ་མགྲིན་སྐུ་དེ་ཞལ་མཐོང་བའི།། སྣང་ཚད་སྐུ་ལ་གྲག་ཚད་གསུང་།། དྲན
237a6 རིག་ཐུགས་ལས་མ་གཡོས་པར།། ཆེ་བའི་ཡོན་ཏན་བསམ་མི་ཁྱབ།། ཕྲིན་ལས་རྣམ་བཞི་བསམ་པས་འགྲུབ།། རང་སེམས་སྟོང་པ་ཆོས་ཀྱི་སྐུ།། སྟོང་ཉིད་ལྷར་གསལ་ལོངས་སྤྱོད་རྫོགས།། སྣ་ཚོགས་འགྲོ་དོན་སྤྲུལ
iiif viewer powered by OpenSeadragon
