| e-texts navigator |
| Wylie |
236b1 བཞག་ན་གྲོལ།། མ་བསྒྲུབས་ལྷུན་གྲུབ་དང་ལ་གནས།། རྫོགས་པ་ཆེན་པོར་བསྒྲུབ་པ་ཡིན།། ཞེས་གསུངས་སོ།། རྫོགས་པ་ཨ་ཏི་ཡོ་གར་བསྒྲུབ་པའི་ལེའུ་སྟེ་བརྒྱད་པའོ།། །། ལྕམ་དྲལ་གཉིས་ཀྱིས་ཡང
236b2 གསོལ་པ།། རྫས་ལ་བཏེན་ནས་སྒྲུབ་པའི་ཐབས།། དཔལ་ཆེན་ཡབ་ཀྱིས་བཀའ་སྩོལ་ཅིག། དེས་ནས་ཡབ་ཀྱིས་བཀའ་སྩལ་པ།། ཤུགས་འཆང་དམར་ཞུར་ཐོད་པ་ལ།། དཔྲལ་བར་རྟ་མཆོག་ཡབ་ཡུམ་བྲི།། འགྲམ
236b3 པར་ལས་བྱེད་ལྕམ་དྲལ་བྲི།། པདྨ་རཀྟས་དམར་པོར་བྱུག། མིག་དང་རྣ་བ་གསལ་བར་བཏོད།། ལེ་བརྒན་དར་དང་ཟབ་ཀྱིས་བརྒྱན།། ཀླད་ཕོར་ནང་དུ་གཞུག་པའི་རྫས།། རང་སྔགས་འཁོར་ལོ་བཅས་པ
236b4 དང་།། ལས་བྱེད་ལྕམ་དྲལ་སྲོག་སྙིང་ནི།། ལེ་བརྒན་དར་ལ་བྲིས་པའམ།། ཡང་ན་མཐིང་ལ་མཚལ་གྱིས་བྲི།། ཕ་ཝང་ལོང་བུ་ཤེལ་གྱི་རྡོ།། ཕོ་རྒྱུད་གིང་གི་བླ་རྡོ་ཡིན།། མཆོང་དང་ན་ཆུང་མཚལ་ཁྲག་ནི།། མོ་རྒྱུད་ཌཱ
236b5 ཀིའི་བླ་རྡོ་ཡིན།། ལེ་བརྒན་དར་གྱིས་དྲིལ་ནས་ནི།། ཟ་འོག་དར་དམར་སྐུད་པས་བསྡམ།། རྟ་ཐོད་ཀླད་ཕོར་ནང་དུའོ།། རྟ་ཐོད་དབང་ཆེན་སྐུར་མངའ་གསོལ།། དཀྱིལ་འཁོར་དབུས་སུ་བཞག་ལ་བསྒྲུབ།། དགྲ
236b6 བགེགས་སྒྲོལ་ན་ལིངྒ་གཞུག། རྣམ་ཤེས་སྲོག་སྙིང་སྤུ་གྲིར་སྡེབ།། ཉུང་དཀར་ལ་སོགས་དྲག་རྫས་ལ།། བསྔགས་ལ་ཐུན་དུ་བྲབ་པར་བྱ།། མེ་འབར་འོད་དང་སྒྲ་ཡང་འབྱུང་།། ལིངྒ་ཕྱུག་ལ་ལས་སྦྱོར་བྱ།། རྟ་ཐོད
iiif viewer powered by OpenSeadragon
