| e-texts navigator |
| Wylie |
236a1 ཚོགས་ཐོགས་མེད་སྤྱོད།། པདྨ་དབང་གི་རང་བཞིན་ལས།། བདག་ཀྱང་སྣང་ལ་ཡོད་མ་ཡིན།། ཐམས་ཅད་དབང་གི་དཀྱིལ་འཁོར་ཆེ།། མ་བཙལ་བཞག་པས་འགྲོ་དོན་འགྲུབ།། ཡིད་བཞིན་ནོར་བུ་མ
236a2 བཙལ་རྙེད།། རྟ་མགྲིན་དབང་གི་ཡོན་ཏན་ཡིན།། ཞེས་གསུངས་སོ།། རྫོགས་པ་ཨ་ནུ་ཡོ་གར་བསྒྲུབ་པའི་ལེའུ་སྟེ་བདུན་པའོ།། །། ལྕམ་དྲལ་གཉིས་ཀྱིས་ཡང་གསོལ་པ།། རྫོགས་པ་ཆེན་པོ་ཇི་ལྟར
236a3 བསྒྲུབ།། དཔལ་ཆེན་ཡབ་ཀྱིས་བཀའ་སྩལ་པ།། རྟ་མགྲིན་དབང་གི་དཀྱིལ་འཁོར་དེ།། ལོགས་ན་ཡོད་པ་མ་ཡིན་ཏེ།། རང་ཉིད་རྟ་མཆོག་སྐུར་སྣང་བས།། རང་ཉིད་ལྷ་ལ་ལྷ་ཉིད་རང་།། ལྷ་དང་རང་ཉིད་གཉིས་སུ
236a4 མེད།། སེམས་ཉིད་རྟོགས་ན་སངས་རྒྱས་ཏེ།། སངས་རྒྱས་གཞན་ནས་མ་བཙལ་ཅིག། སྐུ་མདོག་ཕྱག་མཚན་ཞུགས་ཚུལ་དང་།། རྒྱན་དང་ཆ་ལུགས་ཡབ་དང་ཡུམ།། གཙོ་དང་འཁོར་དུ་བཅས་པ་ཡང་།། སེམས་ཀྱི
236a5 སྣང་བ་དེ་ལྟར་ཡིན།། སྣ་ཚོགས་གཟུགས་ཅན་ཡིད་ལས་སྐྱེས།། གང་ལྟར་བརྟགས་པ་དེ་ལྟར་སྣང་།། སེམས་ལ་རྒྱུ་རྐྱེན་མེད་པ་དེས།། མ་བསྒྲུབས་ཡེ་ནས་རང་བྱུང་གནས།། མ་བཙལ་བཞག་པས་རང་ས་ཟིན།། དེ
236a6 ལྟར་རྟོགས་ན་རྟ་མཆོག་དཔལ།། ཆོས་ཉིད་དོན་གྱི་དབང་ཆེན་ཡིན།། གཟུགས་སུ་མཚན་མར་འཛིན་པ་དེས།། གྲོལ་བར་འདོད་ཀྱང་འཁོར་བ་འཆིང་།། གྲུབ་པར་འདོད་ཀྱང་རྟག་འཛིན་ཡིན།། དེས་ན་མ་བཙལ
iiif viewer powered by OpenSeadragon
