| e-texts navigator |
| Wylie |
235b1 དམར་གཙོ་ལ་སྟོབ།། ཞབས་གཉིས་ཡབ་ཀྱི་སྐུ་ལ་འཁྱུད།། དེ་ལྟར་སྐུ་བསྐྱེད་གསལ་བ་དང་།། སྐུ་གསུང་ཐུགས་སུ་བྱིན་གྱིས་བརླབ།། ཡེ་ཤེས་ལྔ་ཡི་དབང་རྫོགས་བསྐུར།། སྤྱན་དྲང་བཞུགས་གསོལ་ཕྱག་འཚལ
235b2 མཆོད།། བསྟོད་ཅིང་དཔལ་གྱི་རྟ་སྐད་གདོན།། མ་མོའི་བྷྱོ་སྐད་ཟེངས་གཅིག་དང་།། རྣལ་འབྱོར་བརྡ་སྐད་ཐེངས་གཅིག་དོན།། ཐུགས་ཀྱི་ཡེ་ཤེས་སེམས་དཔའ་ལ།། སྔགས་ཀྱི་འཕྲོ་འདུ་ཙཀྲ་ལ།། སྤྲོ་བསྡུ་བྱ་ཞིང
235b3 བསྙེན་པ་བྱ།། ཧྲཱིཿཔདྨཱནྟ་ཀྲྀཏ་ཧ་ཡ་གྲཱི་བ་ཨེ་ཀ་ཛ་ཊི་ཧུ་ལུ་ཧུ་ལུ་ཧྲི་ཛ་ཛ།། ཡི་དམ་བཅས་པའི་འཛབ་རྫོགས་ནས།། ཚོགས་དང་བ་ལི་ཆོ་ག་བྱ།། དཔལ་གྱི་བཀའ་སྲུང་ལྕམ་དྲལ་མཆོད།། འཁོར་གྱི་ཌཱ་ཀི་ལྷག་མས
235b4 མཆོད།། བ་ལིཾ་གཏང་ཞིང་རྟ་བྲོ་བརྡུང་།། དཀྱིལ་འཁོར་བསྡུས་ཏེ་སླར་ཡང་བསྒོམ།། བསྐྱེད་པའི་རིམ་བསྒྲུབ་པ་ཡིན།། ཞེས་གསུངས་སོ།། བསྐྱེད་མ་ཧཱ་ཡོ་གར་བསྒྲུབ་པའི་ལེའུ་སྟེ་དྲུག་པའོ།། །། ལྕམ་དྲལ
235b5 གཉིས་ཀྱིས་ཡང་ཞུས་པ།། རྫོགས་པའི་རིམ་པ་ཇི་ལྟར་བསྒྲུབ།། དཔའ་བོ་ཡབ་ཀྱིས་བཀའ་སྩལ་པ།། བསྐྱེད་པའི་རིམ་པ་བསྟན་པ་དང་།། སྐད་ཅིག་དྲན་རྫོགས་ལྷར་བསྐྱེད་ནས།། འགྲོ་ཉལ་འདུག་སྡོད་ཐམས་ཅད
235b6 དུ།། ལྷ་ཡི་ངང་ནས་འབྲལ་མི་བྱ།། གཟུགས་སུ་སྣང་བ་རྟ་མགྲིན་སྐུ།། སྒྲ་རུ་གྲག་པ་རྟ་མགྲིན་གསུང་།། སེམས་ཀྱི་དྲན་རྟོག་རྟ་མགྲིན་ཐུགས།། སྐུ་གསུང་ཐུགས་ཀྱི་མུ་དྲ་ཆེ།། གུ་ཎ་སྣ་ཚོགས་ཟད་མི་ཤེས།། ཀརྨ་སྣ
iiif viewer powered by OpenSeadragon
