| e-texts navigator |
| Wylie |
235a1 སྩལ་པ།། བསྐྱེད་པའི་རིམ་པ་སྒྲུབ་པ་ཡིན།། རྣལ་འབྱོར་བལྟ་བས་ཐག་ཆོད་ནས།། ཐོག་མར་བཀྲ་ཤིས་དབེན་པའི་གནས།། ནུབ་ཏུ་ཁ་བལྟས་ས་གཞི་དམར།། ཀུན་ཏུ་ཟླ་གམ་དབྱིབས་སུ་འདུག། མེ
235a2 ཏོག་དམར་པོའི་སྣམ་བུ་ཆགས།། རྩི་ཤིང་ཡལ་ག་གཡུར་ཟ་བ།། སྟོན་པའི་ཞབས་ཀྱིས་བཅགས་པ་དེར།། དཀྱིལ་འཁོར་དང་ནི་མཆོད་རྫས་ཀུན།། ཐམས་ཅད་ཁ་དོག་དམར་པོར་བྱ།། བླ་མ་ལྷ་ཚོགས་བཅས་པ
235a3 ལ།། ཡན་ལག་བདུན་གྱི་ཚོགས་བསགས་ལ།། དེ་བཞིན་ཉིད་དང་ཀུན་སྣང་རྒྱུས།། འབྱུང་བ་ལྔ་པོ་རིམ་བརྩེགས་ལ།། བྷནྡ་འབར་བའི་གཞལ་ཡས་ལ།། སྨུག་ནག་གྲུ་གསུམ་གནམ་སྒོ་ཅན།། ཟླ་གམ་མུ་ཁྱུད་གྲུ
235a4 ཆད་དང་།། སྒོ་བཞིའི་རྒྱན་དང་ཁོར་ཡུག་མཛེས།། ཀླུ་དང་ཉི་ཟླ་པདྨའི་གདན།། རང་སེམས་ཧྲིཿའི་སྒྲོ་བསྡུ་ལས།། ཕྱག་མཚན་རྡོ་རྗེ་ཡོངས་སུ་གྱུར།། བདག་ཉིད་དཔལ་ཆེན་རྟ་མགྲིན་སྐུ།། དམར་ནག་ཞལ་གཅིག།
235a5 ཕྱག་གཉིས་པ།། གཡས་གཡོན་རྡོ་རྗེ་དུང་དམར་དཀྲུག། ཞབས་གཉིས་བརྐྱང་བསྐུམ་སྟངས་སྟབས་བགྲད།། སྤྱན་གསུམ་སྨིན་མ་ཁྲོ་གཉེར་ལྡན།། ཞལ་བགྲད་མཆེ་གཙིགས་སྨ་ར་སེར།། དབུ་སྐ་རལ་པ་གྱེན་དུ
235a6 བརྫེས།། དབུ་གཙུག་རྟ་མགོ་རྟ་སྐད་འཚེར།། སྐུ་ལ་དུར་ཁྲོད་ཆས་བརྒྱད་གསོལ།། ཡུམ་ཆེན་གཟི་ལྡན་སྐུ་ལ་འཁྲིལ།། དམར་ནག་ཞལ་གཅིག་ཕྱག་གཉིས་པ།། གཡས་པ་ཁ་ཊྭཱཾ་ཡབ་ལ་འཁྱུད།། གཡོན་པ་དུང
iiif viewer powered by OpenSeadragon
