| e-texts navigator |
| Wylie |
234b1 ལོངས་སྤྱོད་པས།། འདི་ཡང་ང་ཡི་སྤྱོད་པ་ཡིན།། སྐྱེ་ཤི་མེད་པའི་དོན་རྟོགས་ནས།། སྣང་སྲིད་ཐམས་ཅད་དབྱིངས་སུ་སྒྲོལ།། བསྟན་པའི་རུ་ཏྲ་གང་ཡིན་པ།། བླ་མེད་བྱང་ཆུབ་གནས་སུ་སྒྲོལ།། འདི་ཡང་ང་ཡི་སྤྱོད་པ
234b2 ཡིན།། ཆོས་དབྱིངས་སྐྱེ་བ་མེད་པ་ལས།། རིག་པའི་ཡེ་ཤེས་གཉིས་མེད་སྦྱོར།། ཐབས་ཀྱི་རང་བཞིན་སྐྱེ་མེད་ལས།། ཤེས་རབ་མ་འགགས་གཉིས་མེད་སྦྱོར།། འདི་ཡང་ང་ཡི་སྤྱོད་པ་ཡིན།། ཞེས་གསུངས་སོ།། སྤྱོད
234b3 པའི་ལེའུ་སྟེ་བཞི་པའོ།། །། ལྷམ་དྲལ་གཉིས་ཀྱིས་ཡང་ཞུས་པ།། ཉིད་ཀྱི་འབྲས་བུ་ཇི་ལྟར་ལགས།། དཔལ་ཆེན་ཡབ་ཀྱིས་བཀའ་སྩལ་བ།། རིག་པ་ཡེ་ཤེས་ཆོས་ཀྱི་སྐུ།། རང་བཞིན་མེད་པ་ལྷུན་གྲུབ
234b4 ངང་།། མ་བཙལ་རང་ཤར་ཡེ་ནས་གནས།། སེམས་ཉིད་སྣ་ཚོགས་རང་འགྱུ་བ།། ལོངས་སྤྱོད་རྫོགས་པའི་སྐུ་ཡི་དང་།། རང་ལས་བྱུང་ཞིང་རང་ལས་སྤྱོད།། འདི་ཡང་ང་ཡི་འབྲས་བུ་ཡིན།། འདི་ལྟར་སྣང་བ་ཐམས
234b5 ཅད་ཀུན།། སྣ་ཚོགས་རང་ཤར་སྤྲུལ་པའི་སྐུ།། གང་ལྟར་བརྟག་པ་འདི་ལྟར་སྣང་།། འདི་ལྟར་ང་ཡི་འབྲས་བུ་ཡིན།། སྐུ་གསུམ་རང་ལ་ཡེ་ནས་རྫོགས།། མ་བཙལ་རང་བཞིན་ལྷུན་གྱིས་གྲུབ།། མ་བསྒྲུབས་རང་ལས
234b6 འབྱུང་ཞིང་གནས།། འདི་ཡང་ང་ཡི་འབྲས་བུ་ཡིན།། ཞེས་གསུངས་སོ།། འབྲས་བུའི་ལེའུ་སྟེ་ལྔ་པའོ།། །། ལྕམ་དྲལ་གཉིས་ཀྱིས་ཡང་ཞུས་པ།། ཉིད་ཀྱི་སྒྲུབ་པ་ཇི་ལྟར་ལགས།། དཔལ་ཆེན་ཡབ་ཀྱིས་བཀའ
iiif viewer powered by OpenSeadragon
