| e-texts navigator |
| Wylie |
234a1 གནས་པ་ནི།། སངས་རྒྱས་ཀུན་གྱི་དགོངས་པ་ཡིན།། ད་ལྟར་ངས་ཀྱང་དེ་ལྟར་བཤད།། ཅེས་གསུངས་སོ།། བལྟ་བའི་ལེའུ་སྟེ་གཉིས་པའོ།། །། ལྕམ་དྲལ་གཉིས་ཀྱིས་ཡང་ཞུས་པ།། ཉིད་ཀྱི
234a2 བསྒོམ་པ་ཇི་ལྟར་ལགས།། དཔལ་ཆེན་ཡབ་ཀྱིས་བཀའ་སྩལ་པ།། སེམས་ཉིད་སྐྱེ་མེད་གདོད་ནས་དག། ཡོད་མེད་རྟག་ཆད་གཟུང་འཛིན་ཡང་།། མ་བསྩལ་བཞག་ན་བསྒོམ་པ་ཡིན།། སེམས་ཉིད་རྟོགས་པ་ཆོས
234a3 དབྱིངས་ལ།། མ་འགགས་དུག་ལྔའི་རྣམ་རྟོག་ཤར།། དབྱིངས་ལས་ཤར་ཞིང་དབྱིངས་ལ་ཐིམ།། རང་ཤར་དང་གྲོལ་བསྒོམ་པའི་མཆོག། ལྷ་དང་གཟུགས་སྐུ་དང་སྦྱར་བས།། དངོས་པོར་བཟུང་ན་རྟག་པར
234a4 གོལ།། བལྟ་བ་གཉིས་མེད་ཆོས་ཀྱི་སྐུ།། མེད་པར་བཟུང་ན་ཆད་པ་སྟེ།། ཡོད་མེད་མཉམ་པའི་ངོ་བོ་ལས།། བདེ་གཤེགས་འགྲོ་དོན་ཅིར་ཡང་མཛད།། བསྐྱེད་རྫོགས་ཟུང་འཇུག་བསྒོམ་པ་ཡིན།། ཞེས་གསུངས
234a5 སོ།། བསྒོམ་པའི་ལེའུ་སྟེ་གསུམ་པའོ།། །། ལྕམ་དྲལ་གཉིས་ཀྱིས་ཡང་ཞུས་པ།། ཉིད་ཀྱི་སྤྱོད་པ་ཇི་ལྟར་ལགས།། དཔལ་ཆེན་ཡབ་ཀྱིས་བཀའ་སྩལ་པ།། སྐྱེ་འགྲོ་གཟུགས་སུ་སྣང་བ་ཀུན།། གང་ཡིན་ཐམས
234a6 ཅད་ཕྱག་རྒྱའི་ཚོགས།། ངེས་པ་སྐུ་ཡི་རྒྱན་དུ་ཤར།། སྒྲ་རུ་གྲག་པ་སྔགས་ཀྱི་ཚིག། ང་ཡི་གསུང་གི་སྒྲ་སྐད་ཡིན།། སེམས་ཀྱི་དྲན་རྟོག་ཐམས་ཅད་ཀྱང་།། མ་ལུས་ཐུགས་ཀྱི་མཚན་ཉིད་ཡིན།། སྐུ་དང་གསུམ་ཐུགས
iiif viewer powered by OpenSeadragon
