| e-texts navigator |
| Wylie |
233a1 ལྷ་རི་གདོང་ལ་སྦས།། གཏེར་ཤོག་དག་ལས་ཞལ་བཤུས་སོ།། ས་མ་ཡ། རྒྱ་རྒྱ་རྒྱ། མངྒལ།། ། @#།། རྒྱ་གར་སྐད་དུ། ཤྲཱི་ཧ་ཡ་གྲཱི་བ་གུ་ཧྱ་ཀརྨ་ཏནྟྲ་ནཱ་མ། བོད་སྐད་དུ།
233a2 དཔལ་རྟ་མགྲིན་གསང་བ་ཕྲིན་ལས་ཀྱི་རྒྱུད་ཅེས་བྱ་བ། བཅོམ་ལྡན་འདས་དཔལ་རྟ་མགྲིན་དབང་གི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། འོག་མིན་གྱི་གནས་པདྨ་དབང་གི
233a3 དཀྱིལ་འཁོར་རྣམ་པར་རོལ་པའི་དུར་ཁྲོད་ཆེན་པོ།། དམར་ནག་གྲུ་གསུམ་འབར་བའི་གཞལ་ཡས་ཁང་། དཔལ་རྟ་མགྲིན་ཆེན་པོ་ཡབ་ཡུམ་པདྨ་གཟི་ལྡན་མ་དང་གཉིས་སུ་མེད་པའི་བདེ་བ་ཆེན་པོ་ལ་སྙོམས་པར
233a4 ཞུགས་ཏེ། མ་ཆགས་ཐབས་ཀྱི་སྦྱོར་བ་མཛད་པ་ལས། ཡབ་ཀྱི་ཐུགས་ཀ་ནས་འོད་དམར་པོ་མེ་ལོང་ཙམ་ཞིག་འཕྲོས་པ་ལས་སྒྲོལ་གིང་སྐུ་མདོག་དམར་པོར་གྱུར་ཏོ།། ཡུམ་གྱི་ཐུགས་ཀ་ནས་འོད་དམར་པོ་མེ་ལོང
233a5 ཙམ་ཞིག་འཕྲོས་པ་ལས། ལྷ་མོ་སྤུག་མོ་ནམ་མཁའི་གོ་ཟུ་ཅན་དུ་གྱུར་ཏོ།། ཡབ་ཡུམ་གཉིས་སུ་མེད་པའི་ཐུགས་ཀྱི་སྲས་ཡུམ་དྲལ་གཉིས་ལས་སྲིད་པ་ཕོ་རྒྱུད་དང་མོ་རྒུད་ཐམས་ཅད་སྲིད་ནས་འཁོར་དྲེགས་པ
233a6 ཅན་ཐམས་ཅད་ཀྱིས་བསྐོར་ནས་གནས་སོ།། དེ་ནས་གཙོ་བོ་ཡབ་ཀྱིས་དེ་རྣམས་ཀྱི་ལག་ཏུ་རྡོ་རྗེ་གཏད།། ཡུམ་གྱིས་ཐོད་ཁྲག་གཏད་དེ།། ཧྲཱིཿཔདྨནྟ་ཀྲྀ་ཏ་ཧ་ཡ་གྲཱི་བ་ཨེ་ཀ་ཛ་ཏི་ཧུ་ལུ་ཧུ་ལུ་ཧྲི་ཛ་ཛ། ཨེ་ཀ་ཛ་ཊི་མ་ཧཱ
iiif viewer powered by OpenSeadragon
