| e-texts navigator |
| Wylie |
232b1 རློག། ཧྲཱིཿཕྱོགས་བཞིན་ནམ་མཁའི་དཀྱིལ་ཡངས་ནས།། ངན་སྔགས་བདག་མོ་སྦྱིན་ཐང་ཕོབ།། ཤར་གྱི་སྟག་སྲིན་ཟོར་བ་གདོང་།། ལྷོ་ཡི་བཾ་སྲིན་དྲེད་མོ་གདོང་།། ནུབ་ཀྱི་ཀོང་སྲིན་བ་ལང་གདོང་།། བྱང་གི་འབྲོག
232b2 སྲིན་ཆུ་སྲིན་གདོང་།། ངན་སྔགས་བདག་མོ་བཞི་པོ་ནི།། གཡས་པ་ཟོར་བ་གཡོན་ནད་རྒྱལ།། སྦྱིན་ཟང་ཆུ་རྒོད་མངའ་བདག་མོ།། དགྲ་བོའི་ལོ་ཐོག་སྣར་མ་ལ།། ཆུ་རྒོད་འཁྱགས་པའི་སྦྱིན་ཟང་ཕོབ།། དགྲ
232b3 ཡུལ་ཐལ་བ་རྡུལ་དུ་རློགས།། དེ་ལྟར་དྲག་ཏུ་བསྐུལ་ཞིང་རྦད།། པདྨ་དབང་ཆེན་ཡང་གསང་ཁྲོས་པའི་རྒྱུད་ལས་བསྐུལ་བའི་ལེའུ་སྟེ་བཅུ་གཉིས་པའོ།། །། དེ་ནས་བཅོམ་ལྡན་འདས་ཀྱིས་རྒྱུད་འཁོར་ལ
232b4 གཏད་པ་འདི་གསུངས་སོ།། ཨེ་མ་ཧོ།། ང་ཡི་གསང་རྒྱུད་རིན་པོ་ཆེ།། དྲག་པོ་དབང་ཆེན་པདྨ་འཁྱིལ།། དངོས་གྲུབ་ཀུན་གྱི་གནས་མཛོད་ཡིན།། འཁོར་དུ་འདུས་པ་ཁྱོད་ལ་གཏད།། མི་ནུབ་རྒྱལ་མཚོ་ཐུགས་ལ
232b5 ཟུང་།། བསྟན་པ་བསྲུང་བའི་མཚོན་ཆར་བཤད།། ཕྱི་རབས་འདུས་ཚོགས་ཕལ་ཆེ་ལ།། གསང་རྒྱུད་དམ་པ་འདི་གཏད་ཟུང་།། པདྨ་དབང་ཆེན་ཡང་གསང་ཁྲོས་པའི་རྒྱུད་ལས། རྒྱུད་གཏད་པའི་ལེའུ་སྟེ་བཅུ་གསུམ
232b6 པའོ།། །། པདྨ་དབང་ཆེན་ཡང་གསང་ཁྲོས་པའི་རྒྱུད་ཅེས་བྱ་བ་རྫོགས་སོ།། །། སློབ་དཔོན་པདྨ་འབྱུང་གནས་ཀྱིས་མངའ་བདག་རྗེ་ལ་གཏད་པ་ཡིན།། བཻ་རོ་ཙ་ན་བདག་གིས་བསྒྱུར།། ཡེར་བའི
iiif viewer powered by OpenSeadragon
