| e-texts navigator |
| Wylie |
232a1 བསེ་ཡི་རྡོ་རྗེ་ཐོགས།། གཡོན་ན་ཙིཏྟ་དམར་པོ་ཐོགས།། གླིང་ཆེན་རྡོ་རྗེ་གཤོག་རྒོད་རྩལ།། དགྲ་བོའི་སྙིང་ཕྱུང་སྲོག་རྩ་ཆོད།། ནུབ་ཀྱི་བདུད་ནག་དམ་ཚིག་ཅན།། སྐུ་ལ་ལྕགས་ཀྱི་ཞུན་ཁྲབ
232a2 གསོལ།། དབུ་ལ་བདུད་ཞྭ་ལྡིང་ནག་གསོལ།། ཆིབས་སུ་བདུད་རྟ་ནག་པོ་ཆིབས།། ཕྱག་གཡས་བདུད་ཀྱི་ཁྱམ་ཤིང་བསྣམས།། ཕྱག་གཡོན་ཞགས་པ་ནག་པོ་འདེབས།། ནག་པོ་གསོད་བྱེད་བདུད་ཀྱི་བུ།། དགྲ་བོའི
232a3 ཚེ་ཕྲོག་ཁྲམ་ལ་ཐོབ།། བྱང་གི་སྲོག་བདག་དམ་ཚིག་ཅན།། སྐུ་ལ་བསེ་ཁྲབ་དམར་པོ་གསོལ།། དབུ་ལ་བསེ་རྨོག་ཟངས་རིང་གསོལ།། ཆིབས་སུ་བསེ་ཡི་ར་སྐྱེས་ཆིབས།། ཕྱག་གཡས་ཟངས་ཀྱི་གྲི་རིངས
232a4 བསྣམས།། གཡོན་པ་ཞགས་པ་དགྲ་ལ་འདེབས།། བསྲོ་རོ་སྲོག་གཅོད་ལག་དམར་གྱིས། དགྲ་བོའི་མདངས་གྲོགས་སྲོག་རྩ་གཅོད།། དམ་ཉམས་མ་བཏང་ཤོ་ར་རེ།། ཧྲཱིཿཔདྨའི་རྒྱལ་པོ་རྟ་མཆོག་དཔལ།། ཁྲོ་རྒྱལ
232a5 ཁྲག་འཐུང་ཧེ་རུ་ཀ། ཐུགས་ཀྱི་སྤྲུལ་པ་མི་བཟད་པ།། སྦྱིན་ཐང་ཆུ་འཁྱགས་མངའ་བདག་ཁྱོད།། ཁྱབ་འཇུག་ཆེན་པོ་རཱ་ཧུ་ལ།། བི་ཏྲི་པ་ཏྲ་སྒྲ་གཅན་འཛིན།། དྲང་སྲོང་ཆེན་པོ་ཀུན་ཏུ་རྒྱུ།། གཟའ་རྒོད་དྲག
232a6 པོ་སྦྱིན་ཐང་བདག། དུང་ཁ་མགོ་དགུ་མིག་གིས་ཁེངས།། རོ་སྨད་སྦྲུལ་གྱིས་རྒྱ་མཚོ་འཁྲུགས།། ཕྱག་གཡས་སྦྱིན་ཐང་འཁོར་ལོ་བསྣམས།། ཕྱག་གཡོན་ཆུ་སྲིན་ཞགས་པ་འཕེན།། དགྲ་ཡུལ་ལོ་ཐོག་རྡུལ་དུ
iiif viewer powered by OpenSeadragon
