| e-texts navigator |
| Wylie |
218b1 མཆོད་ལྔ།། བླ་རེ་འཕན་གདུག་ཕྲེང་བ་དང་།། གླིང་བུ་གསུར་དང་ཀེང་རུས་བཤམ།། དུར་ཁྲོད་རས་ལ་སྐྲ་བྲིས་ཏེ།། རབ་གནས་བྱས་ལ་ནུབ་ཏུ་དགྲམ།། དེ་ལྟར་རྫས་རྣམས་རབ་རྫོགས་ནས།། རང་ཉིད་སྐད་ཅིག
218b2 ཏིང་འཛིན་གྱིས།། པདྨ་ཁྲག་འཐུང་སྐུ་རུ་བསྐྱེད།། ཐུགས་ཀྱི་སྙིང་པོ་འོད་འཕྲོས་པས།། ཕྱོགས་བཅུར་མེ་མཚོན་ཁྲོ་བོའི་གུར།། དེ་ལྟར་གསལ་བས་མཚམས་བཅད་དོ།། ཧཱུཾ་དཔལ་ཆེན་མི་བཟད་དཀྱིལ་འཁོར
218b3 ནས།། འབར་བའི་ཁྲོ་བོ་མེ་དཔུང་འབར།། གདུག་པའི་མཚོན་ཆ་སྣ་ཚོགས་བསྣམས།། བགེགས་དང་ལོག་འདྲེན་རྡུལ་དུ་རློག། དབང་ཆེན་མེ་དཔུང་དམར་ནག་འབར།། བསྐལ་བ་དུས་མཐའི་མེ་ལྟ་བུ།། དབང་དྲག
218b4 མཚོན་ཆ་བྲག་ལྟར་གཏམས།། གང་ལ་བབ་ཀྱང་གཅོད་ཅིང་སྒྲོལ།། དབང་ཆེན་ཁྲོ་བོ་མི་བཟད་རྔམས།། སྲིད་པའི་ཡེ་ཤེས་འཁོར་ལོ་འཁྲིགས།། དབང་ཆེན་མཚམས་ལས་གང་འདའ་བ།། རྡུལ་ཕྲན་བཞིན་དུ་རླག
218b5 པར་གྱིས།། དེ་ནས་མདུན་གྱི་ནམ་མཁའ་ལ།། ཡི་དམ་ལྷ་རྣམས་སྤྱན་དྲངས་ལ།། སྡིག་སྒྲིབ་བཤགས་པ་གང་རུང་བྱ།། དེ་ནས་མཆོད་པ་བྱིན་གྱིས་བརླབ།། རཾ་གྱིས་སྦྱངས་ལ་ཨ་ཡིས་སྤེལ།། ཕྱི་མཆོད་ལྷ་མོ་ལྔ་རུ
218b6 བརླབ།། ནང་མཆོད་འདོད་ཡོན་ལོངས་སྤྱོད་བརླབ།། དེ་ལྟར་རྫོགས་ནས་ཕྲིན་ལས་གཞུང་བསྲང་ངོ་།། ཧཱུ~ཾ་ཆོས་ཉིད་ནམ་མཁའ་ཀློང་ཡངས་ནས།། ཆོས་རྣམས་སྣ་ཚོགས་རང་ཤར་བ།། རང་བཞིན་མེད་པ་ཆུ་ཟླ
iiif viewer powered by OpenSeadragon
