| e-texts navigator |
| Wylie |
218a1 འཁོར་བསྟན་པའི་ལེའུ་སྟེ་གཉིས་པའོ།། །། དེ་ནས་ཡུམ་པདྨ་གར་གྱི་དབང་ཕྱུག་མས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་ཧོ་བཅོམ་ལྡན་རྟ་མཆོག་དཔལ།། རྩ་བའི་སྒྲུབ
218a2 དང་ཕྲིན་ལས་དང་།། དྲག་པོ་ལས་ཀྱི་རིམ་པ་རྣམས།། འཁོར་ལ་རྒྱས་པར་བཤད་དུ་གསོལ།། ཞེས་ཞུས་པས་བཅོམ་ལྡན་འདས་ཀྱིས་རྩ་བའི་ཕྲིན་ལས་འདི་བཤད་དོ།། བསྟན་པ་གཉེན་པོ་བསྲུང་བའི་ཕྱིར།། པདྨ
218a3 དབང་ཆེན་སྒྲུབ་ཐབས་བརྩམ།། དབང་དྲོད་དང་ལྡན་སློབ་དཔོན་འཁུར།། བརྩོན་འགྲུས་ལྡན་པས་རྩེ་གཅིག་བསྒྲུབ།། དུར་ཁྲོད་རི་བྲག་དམར་པོ་ལ།། ནུབ་རི་མཐོ་བརྗིད་ཤར་རི་དམའ།། ནགས་ཚལ་སྟུག་པོ་ནུབ
218a4 ཏུ་བལྟས།། ནམ་མཁའ་པདྨ་འདབ་བརྒྱད་འདྲ།། ཉི་ཟླ་གཟའ་སྐར་འོད་འབར་ཞིང་།། ཆུ་བྲན་རི་བྲག་ཀུན་འདུད་པར།། ཚ་ཚ་སྦྱིན་གཏང་མདོ་སྡེ་འདོན།། འདུས་བྱས་དགེ་རྩ་ནུས་ཚད་བྱ།། དུར་ཁྲོད་རི་ལྷུན་ཐལ
218a5 ཆེན་ལ།། མཎྜལ་ཁྲུ་གང་གྲུ་གསུམ་པ།། གྲུ་བཞི་རྩིབས་ལ་ཁྲག་སྣས་བྱུག། གྲུབ་སྨན་བདུད་རྩིའི་གོ་མ་ཡེ།། དཀྱིལ་འཁོར་བྲིས་ལ་རྒྱན་རྣམས་དགྲམ།། དབུས་སུ་པདྨ་བྷན་དྷ་རུ།། སྐྱེས་པ་དར་མ་བུད་མེད
218a6 གཞོན།། མེ་ཏོག་སྣ་ཚོགས་པདྨའི་མདངས།། གླིང་ལྔའི་ཁ་བཅད་དར་དམར་གྲིལ།། ཧཱུཾ་གིས་རྒྱས་བཏབ་བདུད་རྩི་བླུགས།། ནུབ་སྒོར་འབྲུ་སྣ་ཤ་རུ་ཚོགས།། མེ་ཏོག་སྣ་ཚོགས་གཏོར་མ་བཤམ།། བདུད་རྩི་རཀྟ་ཕྱི
iiif viewer powered by OpenSeadragon
