| e-texts navigator |
| Wylie |
217b1 ཕྲེང་།། རིགས་བཞིའི་སྦྲུལ་རྒྱན་ཆས་རྣམས་རྫོགས།། སྤྱན་གསུམ་ཞལ་བགྲད་མཆེ་བ་གཙིགས།། སྨིན་མ་སྨ་ར་ཨག་ཚོམ་སེར།། པདྨ་ལྕགས་ཀྱུ་བེ་ཅོན་གཡས།། བྷན་དམར་ཞགས་པ་རལ་གྲི་གཡོན།། ཞབས་བཞི
217b2 བརྐྱང་བསྐུམ་ཚུལ་དུ་བཞུགས།། གཡོན་ན་ཡུམ་ཆེན་ཁྲོ་མོ་ནི།། པདྨ་གར་གྱི་དབང་ཕྱུག་མ།། སྐུ་མདོག་སྔོན་ནག་དུར་ཁྲོད་ཆས།། དབུ་རལ་ནག་པོ་རིན་ཆེན་སྤྲས།། ཁྲོ་ཚུལ་སྤྱན་གསུམ་མཆེ་བ་གཙིགས།། གཡས
217b3 འཁྱུད་གཡོན་པ་དུང་དམར་སྟོབ།། ཤར་གྱི་རྩིབས་ལ་དྲི་ཟའི་གདན།། རྡོ་རྗེ་དབང་ཆེན་ཁྲོ་བོའི་སྐུ།། ཞལ་གཅིག་ཕྱག་གཉིས་ཤིན་ཏུ་ཁྲོས།། དུར་ཁྲོད་ཆས་བརྒྱད་རྫོགས་པར་ལྡན།། རྡོ་རྗེ་ཐོད་དབྱུག་ཕྱག་ན
217b4 བསྣམས།། ལྷོ་ཡི་རྩིབས་ལ་གྲུལ་བུམ་གདན།། རིན་ཆེན་དབང་ཆེན་ཁྲོས་པའི་སྐུ།། རིན་ཆེན་ལྕགས་ཀྱུ་ཕྱག་ན་བསྣམས།། ནུབ་ཀྱི་རྩིབས་ལ་ཀླུ་དབང་གདན།། པདྨ་དབང་ཆེན་ཁྲོས་པའི་སྐུ།། པདྨ་ཞགས་པ་ཕྱག་ན
217b5 བསྣམས།། བྱང་གི་རྩིབས་ལ་གནོད་སྦྱིན་གདན།། ཕྲིན་ལས་དབང་ཆེན་ཁྲོ་བོའི་སྒྲ།། རལ་གྲི་ཁ་ཊྭཱཾ་ཕྱག་ན་བསྣམས།། བཞི་ཀའང་ཞལ་གཅིག་ཕྱག་གཉིས་པ།། ཆས་བརྒྱད་མེ་དཔུང་ཀློང་ན་བཞུགས།། སྒོ་བཞིར
217b6 སྒོ་མ་བཞི་གནས་ཏེ།། ལྕགས་ཀྱུ་ཞགས་པ་ལྕགས་སྒྲོག་དྲིལ།། དཀར་སེར་དམར་ལྗང་དུར་ཁྲོད་རྒྱན།། དེ་ནི་རང་བཞིན་དཀྱིལ་འཁོར་རོ།། པདྨ་དབང་ཆེན་ཡང་གསང་ཁྲོས་པའི་རྒྱུད་ལས་རང་བཞིན་གྱི་དཀྱིལ
iiif viewer powered by OpenSeadragon
