| e-texts navigator |
| Wylie |
216b1 པར་ཞུགས་པས། འཇིག་རྟེན་གྱི་ཁམས་ཐམས་ཅད་གཡོས་ཏེ། འུར་འུར་རབ་ཏུ་འུར། ཆེམ་ཆེམ་རབ་ཏུ་ཆེམ། འདེགས་ཤིང་འཇིགས་ལ་ཁད་པར་གྱུར་ཏོ།། འཁོར་ཐམས་ཅད་བརྒྱལ་ཏེ་ལུས་ས་ལ་རྡེབས་སོ།། སྲིད
216b2 པ་གསུམ་གྱི་དྲེགས་པ་ཅན་བསམ་གྱིས་མི་ཁྱབ་པ་ཐམས་ཅད་ཀྱང་། དཔེར་ན་ཤིང་ལོ་སྐམ་པོ་རླུང་གིས་བཏབ་པ་བཞིན་དུ་རང་ལ་དབང་མེད་པར་དབང་དུ་འདུས་སོ།། དེ་ནས་ཡང་བཅོམ་ལྡན་འདས་ཀྱིས་བདུད
216b3 ཟིལ་གྱི་མནན་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཐམས་ཅད་ཀྱང་དབུགས་ཕྱུང་སྟེ་དྲན་པ་རྙེད་པར་གྱུར་ཏོ།། དེ་ནས་འཁོར་ཐམས་ཅད་ཀྱིས་མགྲིན་གཅིག་ཏུ། བཅོམ་ལྡན་འདས་ལ་འདི་སྐད
216b4 ཅེས་གསོལ་ཏོ།། ཨེ་མ་ཧོ་བཅོམ་ལྡན་འདས་དབང་ཆེན་དཔལ།། པདྨ་ཁྲག་འཐུང་དབང་ཆེན་རྒྱལ།། བྱིན་རླབ་ཆོ་འཕྲུལ་ངོ་མཚར་ཆེ།། བདག་ཅག་སྣང་སྲིད་དྲེགས་པ་ཅན།། སྲོག་གི་སྙིང་པོ་ཉིད་ལ
216b5 འབུལ།། དཔལ་གྱི་བྲན་གཡོག་ཕོ་ཉ་བགྱིད།། ཅི་བགྱི་ལ་སོགས་བཀའ་སྩལ་ཉན།། གལ་ཏེ་སྤྱན་སྔར་དམ་བཅས་བཞིན།། མ་བགྱིས་བདག་ཅག་དྲེགས་རྣམས་ཀྱི།། མགོ་ལུས་སྙིང་ཡང་འགས་གྱུར་ཅིག། ཅེས་བྲོ
216b6 བོར་རོ།། དེ་ནས་བཅོམ་ལྡན་འདས་པདྨ་དབང་ཆེན་གྱིས་འཁོར་དུ་འདུས་པའི་དྲེགས་པ་ཅན་དེ་དག་དམ་ལ་བཏགས་ཏེ། སངས་རྒྱས་ཀྱི་བསྟན་པ་བསྲུང་བར་མངགས་སོ།། པདྨ་དབང་ཆེན་ཡང་གསང་ཁྲོས་པའི
iiif viewer powered by OpenSeadragon
