| e-texts navigator |
| Wylie |
216a1 བར་གྱུར་ཏོ།། འབར་བ་ཆེན་པོ་མི་གནས་པའི་ཆོས་ཀྱི་དབྱིངས་སུ་སླར་མནལ་བ་ལས། དྲེགས་པ་ཅན་ཐམས་ཅད་བརྒྱ་ལ་སངས་ནས།། སྔོན་གྱི་དམ་ལས་མི་འདའ་ཞིང་བདེན་པའི་བཀའ་ལ
216a2 གནས་པར་གྱུར་ཏོ།། དྲེགས་པ་ཅན་ཚར་གཅོད་པའི་རྒྱུད་ལས། གདུག་པ་སྤ་བཀོང་བའི་ལེའུ་སྟེ་ཉི་ཤུ་རྩ་དགུ་པའོ།། །། རྒྱུད་འདི་ནི་ཨུ་རྒྱན་གྱི་སློབ་དཔོན་པདྨས་བསྒྱུར་ནས།། རྒྱལ་པོ་བྱང་ཆུབ་སེམས
216a3 དཔའ་ལ་གཏད་ནས་སྦས་པའི་མན་ངག་འདི། ཕྱི་རབས་ཀྱི་རྣལ་འབྱོར་པ་ལས་འཕྲོ་ཅན་དང་འཕྲད་པར་ཤོག་པདྨ་དབང་ཆེན་གྱི་དྲེགས་པ་ཅན་ཚར་གཅོད་པའི་རྒྱུད་རྫོགས་སོ།། །། ས་མ་ཡ། རྒྱ་རྒྱ
216a4 རྒྱ།། །། @#།། རྒྱ་གར་སྐད་དུ།། པདྨེ་ཤུ་ར་མ་ཧཱ་གུ་ཧྱ་ཀྲོ་ཏ་ཏན་ཏྲ་ནཱ་མ། བོད་སྐད་དུ། པདྨ་དབང་ཆེན་ཡང་གསང་ཁྲོས་པའི་རྒྱུད་ཅེས་བྱ་བ། དཔལ་ཧ་ཡ་གྲཱི་ཝ་ལ་ཕྱག་འཚལ་ལོ། འདི
216a5 སྐད་བདག་གིས་ཟོས་པ་དུས་གཅིག་ན་བཅོམ་ལྡན་འདས་ཧ་ཡ་གྲཱི་ཝ་དབང་གི་རྒྱལ་པོ་དེ།། དབང་ཆེན་རྔམས་པ་འབར་བའི་གནས་ན།། འཁོར་གྱི་ཚོགས་པདྨའི་ཁྲོ་བོ་ཁྲོ་མོ་རྣམས་དང་། འཇིག་རྟེན་འདུལ་བའི
216a6 དྲེགས་པ་ཅན་བསམ་གྱིས་མི་ཁྱབ་པ་དང་ཐབས་ཅིག་ཏུ་བཞུགས་སོ།། དེ་ནས་བཅོམ་ལྡན་འདས་དབང་གི་རྒྱལ་པོ་པདྨ་ཁྲག་འཐུང་ཆེན་པོ་དེས། དབང་ཆེན་ཁྱད་པར་བསྟན་པ་ཞེས་བྱ་བའི་ཏིང་ངེ་འཛིན་ལ་སྙོམས
iiif viewer powered by OpenSeadragon
