| e-texts navigator |
| Wylie |
215b1 སྙིང་ནས་འདྲེན།། གཡོན་པ་གནོད་སྦྱིན་ཕྱག་རྒྱ་ཡིས།། དགྲ་བོ་ཐམས་ཅད་རྡུལ་དུ་རློག། སྦྲུལ་ནག་གདུག་པས་སྐུ་ལ་བརྒྱན།། མི་ལྤགས་རློན་པའི་ཤམ་ཐབས་ཅན།། ཞབས་གཡས་མི་ཐོད་ཁྲི་ལ
215b2 བཞུགས།། གཡོན་པ་ཀེང་རུས་ཁྲི་ལ་བཞུགས།། ནག་མོ་ཁྱོད་ཀྱི་ཟས་སྐལ་ནི།། ནང་མ་གཅིག་ལ་མི་འབུམ་གྱི།། ཙིཏྟ་ཕྱུང་ནས་ཟ་བྱེད་མ།། ནུབ་མོ་གཅིག་ལ་མི་འབུམ་གྱི།། སྙིང་ཁྲག་ཕྱུང་ནས་འཐུང་བྱེད
215b3 མ།། དམ་ཉམས་འདི་ཡི་ཙིཏྟ་ཕྱུང་།། དམ་ཉམས་འདི་ཡི་སྙིང་ཁྲག་འཐུང་།། ལྕགས་ཀྱུས་འདི་ཡི་སྙིང་ནས་དྲོངས།། གནོད་སྦྱིན་ཕྱག་རྒྱས་སྡེམ་ལ་ཤོག། བསྒྲལ་བའི་ཕྲིན་ལས་དུས་ལ་བབ།། སྲིན་མོ་ཁྱོད་ཀྱིས
215b4 མ་བཏང་ཞིག། དུས་ལ་བབ་པོ་ཤོར་ར་རེ།། ཞེས་དྲག་བརྡའ་ཆེར་བྱས་ལ།། ཁྲོས་པས་བསྒྲལ་བའི་ལས་བྱའོ།། ཞེས་གསུངས་སོ།། དྲེགས་པ་ཚར་གཅོད་པའི་རྒྱུད་ལས། ནག་མོ་མགོ་འཕྱངས་མ་བསྒྲུབ་པའི
215b5 ལེའུ་སྟེ་ཉི་ཤུ་རྩ་བརྒྱད་པའོ།། །། དེ་ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས། དགྱེས་པའི་བརྡའ་སྐད་ཕྱོགས་བཞིར་བསྒྲགས་ནས། ཧ་ཧ་དང་རུ་ལུ་དང་། ཕཊ་ཕཊ་ཀྱི་སྒྲ་འབྲུག་སྟོང
215b6 དུས་གཅིག་ཏུ་ལྡིར་བ་བསྒྲགས་པས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དུས་གཅིག་ལ་གཡོས་པར་འགྱུར་རོ།། དྲེགས་པ་ཅན་གྱི་ཚོགས་ཐམས་ཅད་ཀྱང་རབ་ཏུ་མྱོས་ཤིང་བརྒྱ་ལ
iiif viewer powered by OpenSeadragon
