| e-texts navigator |
| Wylie |
214b1 ལ་ནརྀ་ཛ། གནད་ནས་མིང་ཉིད་འདི་སྐད་བསྐུལ།། གནོད་སྦྱིན་སྲིན་མོའི་གཟུགས་ཀྱི་མཐུ་ཡིས་འཁོར་སྡུད་མ།། ཞིང་གསོད་ཁྲག་འཐུང་དམར་མོ་མཁའ་འགྲོ་བྱེ་བ་འཁོར།། མཐིང་གི་རྟ་ཞོན་འབྲུག་གི་གཙོ་མོ་མཛད
214b2 ཅིང་དགྲ་འདུལ་མ།། ས་བདག་ནད་ཀྱིས་བརླག་མཛད་ཁ་ཊྭཱཾ་ར་ཏྲ་སྒྲོལ།། ཕུང་བྱེད་སྟོབས་ཀྱིས་ཤ་རུས་མ་ལུས་གསོལ།། རླུང་ལ་བཅིབས་ཤིང་དཔག་ཚད་བརྒྱད་ཁྲིར་འགྲོ།། རྣལ་འབྱོར་ལས་མཁན་མཁའ་འགྲོ
214b3 དཔལ་གྱི་བཀའ་ཉན་ཐ་ཚིག་ཅན།། བདག་གི་དགྲ་ནི་མྱུར་དུ་བརླག་པར་མཛད་དུ་གསོལ།། ཞེས་གསོལ་ཏོ།། དྲེགས་པ་ཚར་གཅོད་པའི་རྒྱུད་ལས། རཀྟ་ཙ་མུཎྜའི་ལེའུ་སྟེ་ཉི་ཤུ་རྩ་བདུན་པའོ།། །། དེ
214b4 ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས། སྲིན་མོ་མགོ་འཕྱངས་མ་སྒྲུབ་པ་འདི་བཀའ་སྩལ་ཏོ།། གནོད་སྦྱིན་མ་ཚོགས་གནས་པའི་སར།། དཀྱིལ་འཁོར་ཁྲུ་ནི་ཉིས་བརྩེགས་ལ།། མགོ་འཕྱངས
214b5 མཐུན་པའི་རྫས་སུ་བཅས།། གང་དམིགས་གྲོ་ཤོག་བྲིས་པ་ལ།། ན་ཆུང་ལག་པས་གཡས་ཅིང་བརྡབ།། ཐོད་པ་མཚན་ངན་ཁར་བཅུག་ལ།། སྔོན་དམར་ཚོན་གྱིས་རྒྱ་གྲམ་བསྡམ།། གདུག་པ་གནས་པའི་ས་ཕྱོགས
214b6 མནན།། དུར་ཁྲོད་ཐོད་པ་མཚན་ངན་དུ།། སྣ་ཚོགས་དུག་དང་ཁྲག་བླུགས་ལ།། སྒྲོལ་སྔགས་ཐོད་མདའ་གནས་སུ་བརྡེག། ཁམས་གསུམ་སྒྲོལ་བའི་ལས་སུ་གྱུར།། སྲོག་གི་སྙིང་པོ་འདི་ནས་བོད།། མ་མ་ཏྲག་རཀྵ་ཁ
iiif viewer powered by OpenSeadragon
