| e-texts navigator |
| Wylie |
213a1 བརྡབ།། དབང་ཆེན་སྐུར་བསྒོམ་དབང་དུ་བསྡུས།། ཨོཾ་ཤྲཱི་བཛྲ་པདྨནྟ་ཀྲྀཏ་ཧཱུཾ། བཛྲ་མ་ཧ་ཀྲོ་དྷ་ཕཊ། ཤ་ཨི་སེན་ཏི་ཡམ་དུ་ཡཀྐ་ཕོར་པ་དུ་ཧ་བ། བཾ་ཧཱུཾ་ཨེ་ཨཱ་ར་ལི་ཧྲི་ཛ། མ་ཧ་སྲོག་ཤ་ཐུན་བྷྱོ།། སྔགས
213a2 བཟླས་སྐྱི་བ་རམ་བུས་བྲབ།། དེ་ནས་མཛོའམ་དྲེའུ་ཐོད་ལ།། གཟིར་ཞིང་མནན་པའི་རྟ་བྲོས་མནན།། གནོད་པ་སྦྱིན་པའི་ལག་ཏུ་གཏད།། སྔགས་འདི་བརྒྱའམ་སྟོང་དུ་བཟླས།། ཧ་བ་ཤ་མ་ཡ་ཏྲི་ནིར་ཟུང་ཆུམ
213a3 ཤིག། མངོན་སྤྱོད་དྲག་ཤུལ་འདི་སྤྱད་ན།། འཇིག་རྟེན་སྤོང་བའི་ལས་སུ་འགྱུར།། དྲེགས་པ་ཚར་གཅོད་པའི་རྒྱུད་ལས། གནོད་སྦྱིན་སྡེ་ཚན་སྒྲུབ་པའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས་བཅོམ་ལྡན
213a4 འདས་དཔལ་པདྨ་དབང་ཆེན་གྱིས། ཀླུ་སྡེ་ཚན་དང་བཅས་པ་སྒྲུབ་པའི་ལེའུ་འདི་བཀའ་སྩལ་ཏོ།། བྱོལ་སོང་གདུག་པ་གནས་པའི་སར།། རིན་ཆེན་བུམ་པར་སྨན་དང་རྩི།། དཀར་གསུམ་སྦྱར་བའི་གཏོར་མས
213a5 མཆོད།། མཛེ་བོའི་ཐོད་པ་གསར་བ་རུ།། ཤེལ་དང་ཕུག་མ་སྣ་བདུན་གྱིས།། ཟག་པའི་རྫས་ལ་གཟུགས་མིང་བྱ།། གུ་གུལ་བདུག་དང་ཚོན་གྱིས་བཅིང་།། སྐྱེ་ཚེ་ཉུང་གསུམ་སྔགས་བཟླས་བྲབ།། དབང་ཆེན་སྐུར
213a6 བསྒོམས་དབང་དུ་བསྡུ།། གདུག་པ་གནས་པའི་ཁྱིམ་དག་གཞུག། ཀླུ་ནད་ཐེ་ཚོམ་མེད་པར་འདེབས།། ཨོཾ་ཤྲཱི་བཛྲ་པདྨནྟ་ཀྲྀཏ་ཧཱུཾ། བཛྲ་མ་ཧཱ་ཀྲོ་དྷ་ཕཊ། ཨོཾ་ཏ་ནན་རཏྣ་ནཱ་ག་པུ་ནཱ་ག་ཡུ་ཧཱུཾ་ཛ་ཧཱུཾ་ཛ་ཛ། བཾ་ཧཱུཾ་ཨེ་ཨ་ར་ལི
iiif viewer powered by OpenSeadragon
