| e-texts navigator |
| Wylie |
212a1 བཅུག་ལ་ཚོན་སྐུད་བསྡམ།། རྣལ་འབྱོར་སྲིན་ལག་གཡོན་པར་གདགས།། བམ་ཆེན་བླངས་ལ་ལྷོ་ནུབ་བསྟན།། བདག་ཉིད་བྱང་ཤར་ཁ་བལྟས་ལ།། སྲིན་པོ་གདུག་པའི་སྔགས་ཀྱིས་བརྡེག། སྐབས
212a2 སུ་བམ་ཆེན་བསྐོར་ཞིང་གཞག། ལྷོ་ནུབ་ཁ་བལྟས་ལང་ཀ་བོད།། མི་རྐང་གླིང་བུའི་བརྡའ་བཏང་ལ།། མི་ཤ་མི་ཁྲག་ཚིལ་བུས་མཆོད།། སྲིན་པོ་དབང་སྡུད་ལས་ལ་གཟུད།། ཨོཾ་ཤྲཱི་བཛྲ་པདྨནྟ་ཀྲྀཏ་ཧཱུཾ། བཛྲ་མ་ཧཱ་ཀྲོ
212a3 དྷ་ཕཊ། རཀྵ་ཛ། ཧྲི་ཏ་ཛ། དུར་ཏི། ར་ཤ་ན་ཛ། རཀྵ་རྦད་ནི་ཆོམ། དགྲ་ལ་ནརྀ་ཛ། བཾ་ཧཱུཾ། ཨ་ཨཱ་ར་ལི་ཧྲྀ་ཛ། མ་ཧཱ་སྲོག་ཐུན་བྷྱོ།། ཉུང་དཀར་སྔགས་བཟླས་སྲིན་པོའི་མདས།། ལྷོ་ནུབ་མཚམས་ནས་བྲབ་བྱས
212a4 ན།། ཅོག་པུར་འགྱེལ་དང་རེངས་ནས་འཆི།། བམ་ཆེན་གཟིར་མནན་བྲོ་བརྡུངས་ན།། འཁོར་བ་བསྒྲལ་བའི་ཐབས་སུ་བསྒྱུར།། དྲེགས་པ་ཚར་གཅོད་པའི་རྒྱུད་ལས། སྲིན་པོ་བསྒྲུབ་པའི་ལེའུ་སྟེ་ཉི་ཤུ་རྩ་གཉིས
212a5 པའོ།། །། དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། བདུད་ཀྱི་སྡེ་ཚན་སྒྲུབ་པའི་ལེའུ་འདི་བཀའ་སྩལ་ཏོ།། བྲག་ནག་བདུད་ཀྱི་རྟེན་གནས་པར།། དྲག་པོའི་རང་བཞིན་གྲུ་གསུམ་དུ།། བམ་ཆེན
212a6 སྙིང་ཤུན་དམིགས་དང་བཅས།། ཚོན་སྐུད་བདུད་ཀྱི་ཞགས་པས་བཅིངས།། དམུ་ལུག་ནག་པོའི་ཐོད་པར་སྩལ།། བྱ་ནག་མཚལ་བུ་གཟན་དུ་བོར།། ཤ་ཁྲག་སྙིང་སྣ་ཚོགས་ཀྱིས་མཆོད།། ཁྱི་ནག་བརྡུང་ཞིང་དར་ནག
iiif viewer powered by OpenSeadragon
