| e-texts navigator |
| Wylie |
210a1 པ་ཚར་གཅོད་པའི་རྒྱུད་ལས། ཟ་བྱེད་ཁྱི་བརྒྱད་ཀྱི་ལེའུ་སྟེ་བཅུ་བདུན་པའོ།། །། དེ་ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས།། དྲེགས་པ་ཅན་ལྷ་མ་སྲིན་སྡེ་བརྒྱད་ཀྱི་ལེའུ
210a2 འདི་བཀའ་སྩལ་ཏོ།། རི་བོ་འདུས་པའི་རྩེ་ཕྱོགས་སམ།། རྒྱ་མཚོ་ཆེན་པོའི་འགོ་ཕུག་ཏུ།། མཎྜལ་བྱི་དོར་བྱས་པ་ལ།། སྙིང་ཁྲག་བདུད་རྩིས་ཆག་ཆག་གདབ།། དུར་ཁྲོད་རོ་རས་ཁྲུ་གང་ལ།། རྩིབས་བརྒྱད་ཡི་གེ་འབྲུ
210a3 བརྒྱད་དགོད།། ཤ་ཁྲག་སྙིང་སྣ་ཚོགས་པ་ཡི།། གཏོར་མ་ཨ་མྲྀ་ཏ་སྦྱར་ལ།། ཁྲག་དང་ཆང་སྦྱར་རྒྱུན་དུ་སྒྲེང་།། བདག་ཉིད་དབང་ཆེན་གསལ་གྱུར་ལ།། འབྲུ་བརྒྱད་སྔགས་ཀྱི་འཁོར་ལོ་བསྐོར།། གང་དམིགས
210a4 གཟུགས་ལ་གཟིར་མནན་བྱ།། མ་གྲུབ་འབྲུ་བརྒྱད་གོ་བཟློག་ལ།། གནད་ལ་དབབ་པའི་འཁོར་ལོ་བསྐོར།། ཆས་རབ་ཕྱུང་ལ་དགྲ་དགུག་འབོད།། ཙ་མ་ར་ཡིས་གཡབ་ཅིང་གདུལ།། གྲུབ་ན་སྣ་ཚོགས་གཟུགས་སུ
210a5 སྟོན།། འཁོར་ལོ་དྲིལ་ལ་ཕུང་ཤུལ་མནན།། ཨོཾ་ཤྲཱི་པདྨཱནྟ་ཀྲྀཏ་ཧཱུཾ། བཛྲ་མ་ཧ་ཀྲོ་ཏ་ཕཊ། ཨ་ཡ་མ་དུ་རུ་ཙ་ཤ་ན་ལ། བཾ་ཧཱུཾ་ཨེ་ཨཱ་ར་ལི་ཧྲྀ་ཛ། མ་ཧཱ་སྲོག་ཤ་ཟུན་བྷྱོ།། སྐུ་བསྐྱེད་དྲེགས་པ་དབང་དུ་སྡུད།། ཐ་མ་ལས
210a6 གཟུང་གཟིར་ཅིང་མནན།། གྱད་ཀྱི་རྔམ་སྟབས་བྲོ་བརྡུང་ན།། སྲིད་གསུམ་མཐུ་ཆེན་ཐལ་བར་རློག། ཅེས་གསུངས་སོ།། དྲེགས་པ་ཚར་གཅོད་པའི་རྒྱུད་ལས། ལྷ་མ་སྲིན་སྡེ་བརྒྱད་སྤྱིར་བསྒྲུབ་པའི་ལེའུ་སྟེ་བཅོ
iiif viewer powered by OpenSeadragon
