| e-texts navigator |
| Wylie |
209b1 འགྱེད།། སྤུ་ནི་ལྕགས་ཀྱུ་གཟིངས་པ་འདྲ།། གཤོག་པ་རྡོ་རྗེ་གཏམས་པ་གདེངས།། ཤར་ལྷོ་མཚམས་ནས་འགྱེད་པའི་ཁྱི།། ལྕགས་ཀྱི་ཁྱི་མོ་མགོ་བརྒྱད་ལ།། མེ་རི་འབར་བའི་རལ་པ་ཅན།། ཁ་ནས་མེ་དང་དུག་ཏུ
209b2 སྐྱུགས།། སྤྱན་ནས་རྡོ་རྗེའི་སེར་ཆེན་འབེབས།། རྐང་ལག་དྲང་སྲོང་རྒྱལ་པོ་གནོན།། ལྷོ་ནུབ་མཚམས་ནས་འགྱེད་པའི་ཁྱི།། ལྕགས་ཀྱི་ཁྱི་མོ་མགོ་བརྒྱད་ལ།། རྡོ་རྗེ་རྩེ་དགུའི་རལ་པ་ཅན།། ཁ་མིག་རྣ་བའི་བུ་ག
209b3 ནས།། སྲེ་མོང་བྱི་ལ་འུག་པའི་མགོ། དོམ་དྲེད་སྟག་གི་མཆེ་བ་ཅན།། ཀང་ཀ་དུར་བྱ་པུ་ཤུད་མགོ། སྲིན་མོ་བྱི་བ་སྨིག་བུའི་མགོ། སྟག་གཡག་ཤ་བ་གཟིག་གི་མགོ། རྟ་དང་སེང་གེ་ཕྲ་མེན་མ།། རྐང་ལག་རྡོ་རྗེ་རྩེ
209b4 གསུམ་པོས།། ཤ་ཁྲག་ཟ་བའི་སྲིན་མོ་གནོན།། ནུབ་བྱང་མཚམས་ནས་འགྱེད་པའི་ཁྱི།། ལྕགས་ཀྱི་ཁྱི་མོ་མགོ་བརྒྱད་ལ།། གཡུ་ཡི་རལ་པ་སི་ལི་ལི།། ཤངས་ནས་རྡོ་རྗེའི་འཐོར་རླུང་འཕྲོ།། སྤྱན་ནས་ཡེ་ཤེས་མེ་ཡང
209b5 འབར།། མཆེ་བ་ཟང་ཡག་གཏམས་པ་ལ།། སྦྲུལ་ནག་སྟོང་གི་གདེངས་ཀས་དཀྲིས།། སྦྲུལ་གྱི་ཁ་ནས་ཆར་ཆེན་འབེབས།། དུག་དང་མེ་ཡི་སྐྱུགས་པ་འདོར།། རྐང་ལག་རྡོ་རྗེ་རྩེ་གསུམ་པོས།། རླུང་ལྷའི་རྒྱལ་པོ
209b6 གནོན་པའི་ཚུལ།། ཨོཾ་ཧུ་ལུ་ཧུ་ལུ་ཧཱུཾ་ཕཊ། སརྦ་དུཥྚཱ་ན་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། པ་ཙ་པ་ཙ་ཧཱུཾ་ཕཊ། ཨེ་ཨ་ར་ལི་ཧྲི་ཛ་ཧཱུཾ་ཕཊ། ཚམས་རྔམས་བྲོ་དང་བཅས་པས་ཏེ།། གཟིར་གནོན་དྲག་པོས་བརྡུང་བྱའོ།། དྲེགས
iiif viewer powered by OpenSeadragon
