| e-texts navigator |
| Wylie |
208b1 མནན་ཅིང་སྦས་ན་རྡུལ་དུ་འགྲོ།། དྲེགས་པ་ཚར་གཅོད་པའི་རྒྱུད་ལས། སྦྲང་མོ་རོ་ཤལ་གྱི་ལེའུ་སྟེ་བཅུ་དྲུག་པའོ།། །། དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། ཟ་བྱེད་ཁྱི་བརྒྱད་ཀྱི་ལེའུ་འདི
208b2 བཀའ་སྩལ་ཏོ།། དཀྱིལ་འཁོར་མཐིང་ནག་གྲུ་གསུམ་ལ།། ལྕགས་ཀྱུ་ཞགས་པ་དམར་ནག་བྲི།། དུར་ཁྲོད་ཐོད་པ་མཚན་ངན་དུ།། གང་ལ་དམིགས་པའི་གཟུགས་དང་མིང་།། ཞིང་རས་ལ་ནི་བྲི་བར་བྱ།། སྔོ་དམར
208b3 མཁར་ནག་དྲིལ་བྱས་ལ།། ཁྱི་བརྒྱད་ཐོད་པ་གྲུ་གསུམ་བསྐོར།། སྔོན་དམར་སྣ་བརྒྱད་ཁྱི་ཐོད་གདགས།། ཞིང་ལ་བརྟོད་པའི་ཚུལ་དུ་བྱ།། གདུག་པ་སྦྱར་བའི་དུད་པས་བདུག། ཞིང་ཆེན་ལྤགས་པས་གཡབ་ཅིང
208b4 རྡུལ།། བདག་ཉིད་པདྨ་ཧེ་རུ་ཀའི།། སྐུ་གསུང་ཐུགས་ལས་ཁྱི་བརྒྱད་སྤྲོས།། གང་ལ་དམིགས་པ་བཀུག་ཅིང་བསྟིམ།། གཟིར་མནན་དྲག་པོས་རྡུལ་དུ་རློག། ཧྲཱིཿ། ཡབ་ཡུམ་གཉིས་སུ་མེད་པ་ལས།། སྐུ་གསུང་ཐུགས
208b5 ལས་སྤྲུལ་པ་ནི།། ཤར་གྱི་ཕྱོགས་ནས་འགྱེད་པའི་ཁྱི།། ལྕགས་ཀྱི་ཁྱི་སྟེ་མགོ་བརྒྱད་ལ། གསེར་དང་མུ་ཏིག་རལ་པ་ཅན།། རྡོ་རྗེའི་མཆེ་བ་རྩེ་གསུམ་ལས།། གདུག་པའི་མེ་ཟེར་འབུམ་འབུམ་འཕྲོས།། རྐང་ལག
208b6 བཞི་ནི་ལྕགས་ཕུར་བཞི།། ཞེ་སྡང་ཅན་གྱི་སྙིང་ལ་འདེབས།། གཡུ་མདོག་ལྕགས་ཀྱི་ཨཾ་ཀུ་ཤ། ཐོག་དང་གློག་གི་གཤོག་པ་ཅན།། རེས་འགའ་དྲག་ཏུ་མངགས་པའི་ཚེ།། ཅི་འགྱིས་ཞེས་ནི་ཆས་ཏེ་སྤྱོན།། ལྷོ་ཡི
iiif viewer powered by OpenSeadragon
