| e-texts navigator |
| Wylie |
207b1 སྔགས་དང་སྙིང་པོ་བྲི།། དཀྱིལ་འཁོར་ཕྱོགས་མཚམས་སོ་སོ་རུ།། གྲུ་གསུམ་དཀྱིལ་འཁོར་ཁ་བསྟན་གཞག། རྣོ་མཚོན་གདུག་པའི་དཔལ་མཚོན་གྱིས།། གྲུ་གསུམ་ཐ་མ་བསྐོར་བར་བྱ།། བདག་ཉིད་གར་དབང་ཡབ
207b2 ཡུམ་གྱི།། སྐུ་གསུང་ཐུགས་ལས་སྦྲང་མོ་སྤྲོ།། གང་ལ་དམིགས་ལ་བཀུག་ཅིང་བསྟིམ།། གཅེར་བུར་ཕྱུང་ལ་སྤྱང་དུ་བྱ།། ཚམ་རྔམས་དྲག་པོའི་རྔམ་སྟབས་ཅན།། སྐབས་སུ་བྲོ་བརྡུང་རྡུལ་དུ་རླག། སྤྱང་མོའི་ཕོ་ཉ་འདི
207b3 ལྟ་སྟེ།། ཧྲཱིཿཡབ་ཡུམ་གཉིས་སུ་མེད་པ་ལས།། སྐུ་གསུང་ཐུགས་ལས་སྤྲུལ་པ་ནི།། ཤར་ཕྱོགས་ཞབས་ཀྱི་སྤྲུལ་པ་ནི།། དུང་གི་སྤྱང་མོ་མགོ་གསུམ་མ།། དུང་གི་མི་མོ་མགོ་བརྒྱད་ཞོན།། སྐུ་དང་ཕྱག་དང་འོད་ཟེར
207b4 དཀར།། རལ་པ་དཀར་པོའི་སྐྲ་གསེབ་ནས།། དུང་གི་སྦྲང་མོ་འབུམ་འབུམ་འཕྲོ།། གཡབ་མོ་འདོར་ཞིང་འོ་དོད་འབོད།། སྙིང་ཁྲག་དྲོན་མོ་ཁ་རུ་འཐུང་།། ལྷོ་ཕྱོགས་ཞབས་ཀྱི་སྤྲུལ་པ་སྟེ།། ལྕགས་ཀྱི་སྤྱང་མོ་མགོ
207b5 གསུམ་མར།། ལྕགས་ཀྱི་མི་མོ་ཆེན་མོ་ཞོན།། སྐུ་སྔོ་ཕྱག་སྔོ་ཞབས་ཀྱང་སྔོ།། རལ་པ་སྔོན་པོའི་སྒྲ་གསེབ་ནས།། ལྕགས་ཀྱི་སྤྱང་མོ་འབུམ་འབུམ་འཕྲོ།། སྙིང་དང་རྒྱུ་མ་རྐང་གསུམ་ཟ།། ནུབ་ཕྱོགས་ཞབས་ཀྱི་སྤྲུལ་པ
207b6 སྟེ།། ཟངས་ཀྱི་སྤྱང་མོ་མགོ་དགུ་མར།། ཟངས་ཀྱི་མི་མོ་ཆེན་མོ་ཞོན།། སྐུ་དམར་ཕྱག་དམར་ཞབས་ཀྱང་དམར།། རལ་པ་དམར་པོའི་སྒྲ་གསེབ་ནས།། ཟངས་ཀྱི་སྦྲང་མོ་འབུམ་འབུམ་འཕྲོ།། ཡཀྐ་ཆེན་མོ་དབང་དུ
iiif viewer powered by OpenSeadragon
