| e-texts navigator |
| Wylie |
207a1 བཅུའི་ཞིང་ཁམས་ཀུན་ལ་དབང་།། བར་སྣང་ཁམས་ན་རྒྱུ་བའོ།། འོད་ཟེར་དུད་ཁས་རེག་པས་ནི།། ཧཱུཾ་དང་ཕཊ་ཀྱི་སྒྲ་སྒྲོག་ཅིང་།། བསྐལ་བའི་འབྲུག་སྒྲ་ཆེན་པོ་བཞིན།། ཀུན་ཀྱང་མགྱོགས་པ་རླུང
207a2 དང་མཚུངས།། མིག་གསུམ་པོ་ལ་ལྕགས་སྡེར་ཅན།། མགོ་གསུམ་པོ་ལ་རྐང་གསུམ་པོ།། ལག་པ་གསུམ་ན་འཁོར་ལོ་བསྐོར།། དབུ་སྐྲ་ཁམ་ནག་དཀྱིལ་འཁོར་ནས།། ཕྲ་མེན་འབུམ་གྱི་རྔམ་སྟབས་ཅན།། རྐང་པ
207a3 གསུམ་ནི་སྟབས་ཀྱང་བྱེད།། མི་ཤ་ཟ་ཞིང་བདུད་དཔུང་འཇོམས།། བལྟས་པས་བདུད་རྣམས་འཆི་བར་བྱེད།། ཀླུ་ཡི་གནས་རྣམས་ངེས་པར་འཇོམས། ཨོཾ་རུ་ལུ་རུ་ལུ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། ད་ཧ་ད་ཧ་ཧཱུཾ་ཕཊ།
207a4 པ་ཙ་པ་ཙ་ཧཱུཾ་ཕཊ། བྷན་དྷ་བྷན་དྷ་ཧཱུཾ་ཕཊ། ཨེ་ཨཱ་ར་ལི་ཧྲི་ཛ། ཚམ་རྔམས་དྲག་པོའི་སྟངས་སྟབས་ཀྱིས།། རྟ་བྲོ་བརྡུང་ཞིང་ཐལ་བར་རློག། ཅེས་བཀའ་སྩལ་ཏོ།། དྲེག་པ་ཚར་གཅོད་པའི་རྒྱུད་ལས། ཕོ་ཉ་དྲག་པོའི
207a5 ལེའུ་སྟེ་བཅོ་ལྔ་པའོ།། །། དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས་སྤྱང་མོ་རོ་ཤལ་གྱི་ལེའུ་འདི་བཀའ་སྩལ་ཏོ།། གཅན་སྦྱང་གདུག་པའི་ཐོད་པ་ལ།། ནག་དང་དམར་གྱི་ཚོན་རྩིས་བྱུག། མཆེ་བ
207a6 བཞི་ལ་སྔགས་བྲིས་ལ།། ཁ་གདངས་ནང་ལ་དམིགས་པ་གཞུག། སྔོན་དམར་ཚོན་གྱིས་ཁ་བསྡམས་ལ།། དཀྱིལ་འཁོར་གྲུ་གསུམ་ནང་དུ་གཞུག། སྦྲང་ཐོད་ཁ་དོག་སོ་སོ་ལ།། རིགས་ཀྱི་ཁྱད་པར་ཕྱེ་བ་ལ།། ཕོ་ཉའི
iiif viewer powered by OpenSeadragon
