| e-texts navigator |
| Wylie |
206b1 ཉར་རྒྱུན་དུ་མངག་པར་བྱ།། དགྲ་རྣམས་ངེས་པར་འཇོམས་པར་བྱེད།། རྐང་གཅིག་དེ་ཡི་ཕོ་ཉ་ནི།། ཁ་དོག་ངེས་པར་ཅི་འདྲ་ན།། གཅིག་ལ་གཅིག་ནི་རབ་ཏུ་འཁྲིལ།། ཡང་ན་ལག་པ་སྦྲེལ་ཏེ་འགྲོ།། མིག་ཀྱང་མེད
206b2 ཅིང་ཅང་མི་སྨྲ།། ལོང་བ་ཀུན་གྱི་མཆོག་ཡིན་ཏེ།། རྟ་བབས་ཀུན་གྱི་སྒོར་བསྒོམས་ཤིང་།། ལན་འགའ་དྲག་ཏུ་མངགས་པའི་ཚེ།། གཉིས་ཀ་སོང་སྟེ་དེར་ཕྱིན་ནས།། གང་ལ་དམིགས་པ་ལེན་པར་བྱེད།། མགོ་བརྒྱད
206b3 པོ་ལ་ལག་བརྒྱད་པོ།། རྐང་པ་བརྒྱད་ལ་མིག་ཀྱང་བརྒྱད།། ལག་བརྒྱད་རྡོ་རྗེ་ཕུར་པ་འདྲིལ།། གཤིན་རྗེའི་གནས་རྣམས་ངེས་པར་འཇོམས།། རྐང་དྲུག་མགོ་དྲུག་མིག་ཀྱང་དྲུག། ལག་པ་དྲུག་གིས་རྒྱུད་དྲུག
206b4 འཇོམས།། གཡོན་པ་གསུམ་ནི་གཏོར་མ་གཏོང་།། གཡས་པ་གསུམ་ནི་ཕུར་པ་འདྲིལ།། མགྱོགས་པ་རླུང་གི་ཤུགས་དང་འདྲ།། འདི་རྣམས་ཁྲོ་བོའི་ཕོ་ཉ་ཡིན།། ཧ་ལ་རུ་ལུའི་སྒྲ་སྒྲོག་ཅིང་།། རང་གི་རླུང་ཕྱོགས་སོང
206b5 བའི་ཚེ།། ཁྲོ་བོ་ཀུན་ཀྱང་ངེས་པར་འཆི།། གང་ནས་གང་དུ་འགྲོ་བའི་ཚེ།། རང་གི་རྐང་པ་ཕུར་པ་ཡིན།། ལྕགས་ཀྱི་ཕུར་པ་རབ་ཏུ་དྲག། འོད་ཟེར་དུད་ཁ་རེག་པས་ནི།། ཚངས་པའི་གནས་ཀྱང་རབ་ཏུ་འཇིག། ལག
206b6 པ་གཡོན་པ་བརྐྱང་པས་ནི།། ཕྲ་མེན་རྣམས་ནི་འཁོར་དང་བཅས།། ཀུན་ཀྱང་རལ་པ་དམར་པོ་ལ།། ལྕགས་ཀྱི་དགྲ་སྟ་རབ་ཐོགས་ཏེ།། ཞིང་ཆེན་ཡན་ལག་འཛིན་པའོ།། འདི་རྣམས་དཔལ་གྱི་ཕོ་ཉ་སྟེ།། ཕྱོགས
iiif viewer powered by OpenSeadragon
