| e-texts navigator |
| Wylie |
206a1 ལ།། ཟླ་གམ་དམར་པོ་གསུམ་གྱིས་བསྐོར།། ཛ་དང་ཕཊ་དང་བྷྱོ་ཡིས་བསྐོར།། མཚོན་ཆ་འབར་བས་ཕྱོགས་མཚམས་གཏམས།། གང་ལ་དམིགས་པ་ཞིང་རས་ལ།། མིང་གཟུགས་རུས་དང་བཅས་པ
206a2 བྲི།། དཀར་ནག་སྔོན་དམར་ཐག་པས་བསྡམ།། དམེ་དུག་རྫས་སྦྱོར་དུད་པས་བདུག། དཔལ་གྱི་སྙིང་པོས་དབང་དུ་བསྡུ།། ཨཽ་ཧུ་ལུ་ཧུ་ལུ་ཧཱུཾ་ཕཊ། ཨེ་ཨ་ར་ཡི་ཧྲཱིཿཛ། གར་གྱི་དབང་ཕྱུག་ཡབ་ཡུམ་གྱི། སྐུ
206a3 གསུང་ཐུགས་ལས་ཕོ་ཉ་སྤྲོ།། གང་དམིགས་རྟེན་ལ་དགུག་ཅིང་བསྟིམ།། ཚམ་རྔམས་དྲག་པོས་གཟིར་མནན་བྱ།། ཁམས་གསུམ་སྲིད་གསུམ་བསྒྲལ་བའི་ཞིང་།། དྲག་པོའི་ཕོ་ཉ་འདིས་བྱའོ།། ཧྲཱིཿཡབ་ཡུམ་གཉིས་སུ
206a4 མེད་པ་ཡི།། སྐུ་གསུང་ཐུགས་ལས་སྤྲུལ་པ་ནི།། མགོ་དགུ་པོ་ལ་རྐང་གཅིག་པོ།། ལུས་ནག་པོ་ལ་འོད་ཕུང་ནག། རལ་པ་ནག་ཅིང་མཆེ་བ་ནག། མིག་ཀྱང་ནག་ཅིང་ལག་པ་ནག། མགྱོགས་པ་རླུང་གིས་བསྐྱེད་དུ
206a5 མེད།། འདི་དག་ཕོ་ཉའི་མཆོག་ཡིན་ཏེ།། ཞུམ་པ་མེད་ཅིང་སྟོབས་ཆེན་འཇོམས།། ཕ་རོལ་དཔུང་རྣམས་རབ་ཏུ་འཇོམས།། འདི་དག་ཡང་དག་རབ་བསྒོམས་ན།། འདི་ནི་དཔལ་གྱི་ཕོ་ཉ་སྟེ།། གཡོན་པ་གསུམ་ནི
206a6 ལྕགས་ཀྱུ་འཛིན།། གཡས་པ་གསུམ་ནི་སྟ་རེ་འཕྱར།། ཡན་ལག་སྦྲུལ་ནག་སྟོང་གིས་བརྒྱན།། གཡོན་གྱི་ལྕགས་ཀྱུས་སྙིང་ནས་འདྲེན།། གཡས་ཀྱི་སྟ་རེས་ངེས་པར་འཇོམས།། འདི་ནི་སྒོ་སྲུང་མཆོག་ཡིན་ཏེ།། ཕོ
iiif viewer powered by OpenSeadragon
