| e-texts navigator |
| Wylie |
205a1 ཚར་རེ་ལ།། ཉི་མ་འབུམ་གྱི་འོད་ཟེར་ཅན།། ནུབ་ཕྱོགས་ལོང་བ་རྒྱབ་འབྲེལ་ནི།། བ་གླང་དཀར་པོ་ཆིབས་སུ་ཆིབས།། ན་བཟའ་ཀླུ་སྦྲུལ་པགས་པ་གསོལ།། ཕྱག་ན་སྦྲུལ་གྱི་ཞགས་པ
205a2 བསྣམས།། དབུ་ཡི་རལ་པ་ཚར་རེ་ལ།། དུག་དང་མེ་ཡི་ཆར་པ་འབེབས།། བྱང་ཕྱོགས་ལོང་བ་རྒྱབ་འབྲེལ་ནི།། ཞིང་ཆེན་གཤིབས་པའི་གདན་སྟེང་ན།། རྐང་པ་བརྐྱང་བསྐུམ་ཚུལ་དུ་བཞུགས།། དབུ་ཡི་རལ་པ་ཚར
205a3 རེ་ལ།། ལོང་བའི་སྤྲུལ་པ་འབུམ་འབུམ་འཕྲོ།། ཕྱོགས་བཞི་ནས་ནི་གཤེགས་སུ་གསོལ།། ཨོཾ་ཤྲཱི་བཛྲ་པདྨཱནྟ་ཀྲྀཏ་ཧཱུཾ། བཛྲ་མ་ཧཱ་ཀྲོ་དྷ་ཕཊ། བཾ་ཧཱུཾ་ཨེ་ཨཱ་ར་ལི་ཧྲཱི་ཛ། མ་ཧཱ་སྲོག་ཤ་ཐུན་བྷྱོ། མ་རང་ཤ་ཁཱ་ཧི། ཙ་ཏི་ཙ་ཏི།
205a4 ཙ་ཏྲ་ཙ་ཏྲ་ཧཱུཾ་ཕཊ། ཅེས་གསུངས་སོ།། གཟིར་ཅིང་མནན་པའི་བྲོ་བརྡུང་ངོ་།། དྲེགས་པ་ཚར་གཅོད་པའི་རྒྱུད་ལས། སྤྲུལ་པའི་ལོང་བ་རྒྱབ་འབྲེལ་གྱི་ལེའུ་སྟེ་བཅུ་གསུམ་པའོ།། །། དེ་ནས་བཅོམ་ལྡན
205a5 འདས་དཔལ་པདྨ་དབང་ཆེན་གྱིས། སྤྲུལ་པའི་དམུས་ལོང་འཁོར་བ་ཅན་གྱི་ལེའུ་འདི་བཀའ་སྩལ་ཏོ།། དཀྱིལ་འཁོར་མཐིང་ནག་གྲུ་གསུམ་དུ།། གང་ལ་དམིགས་པའི་གཟུགས་བྱས་ལ།། སྔོན་དམར་བཅིངས་ལ་གུ
205a6 གུལ་བདུག། ལྕགས་ཀྱུ་ཞགས་པ་མཚོན་ཆ་ཡིས།། གྲུ་གསུམ་ཁ་ཁྱེར་མཐའ་ལ་བསྐོར།། གར་གྱི་དབང་ཕྱུག་ཡབ་ཡུམ་གྱི།། སྐུ་གསུང་ཐུགས་ལས་དམུས་ལོང་སྤྲོ།། གང་ལ་དམིགས་པ་དགུག་ཅིང་བསྟིམ།། ཚམ
iiif viewer powered by OpenSeadragon
