| e-texts navigator |
| Wylie |
204b1 ན།། སྲིད་པ་གསུམ་ཡང་རྡུལ་དུ་རློག་གོ། དྲེགས་པ་ཚར་གཅོད་པའི་རྒྱུད་ལས། ཕོ་ཉ་ཁམ་རྒྱ་མའི་ལེའུ་སྟེ་བཅུ་གཉིས་པའོ།། །། དེ་ནས་བཅོམ་ལྡན་འདས་པདྨ་དབང་ཆེན་གྱིས།། སྤྲུལ་པའི་ཕོ་ཉ་ལོང་བ
204b2 རྒྱབ་འབྲེལ་ལེའུ་འདི་བཀའ་སྩལ་ཏོ།། དཀྱིལ་འཁོར་མཐིང་ནག་གྲུ་གསུམ་དུ།། ཞིང་རས་གང་དམིགས་མིང་གཟུགས་བྲི།། ཧྲཱིཿདང་ཛ་ཡིས་མཐའ་མ་བསྐོར།། གྲུ་གསུམ་ཁ་ཁྱེར་ལོང་བ་བྲི།། མཚོན་ཆ་སྣ་ཚོགས
204b3 མཐའ་བསྐོར་ལ།། གར་གྱི་དབང་ཕྱག་ཡབ་ཡུམ་གྱི།། སྐུ་གསུང་ཐུགས་ལས་ལོང་བ་སྤྲོ།། གང་དམིགས་བཀུག་ལ་རྟེན་ལ་བསྟིམ།། ཡབ་ཡུམ་སྙིང་པོ་རྒྱུན་དུ་བཟླས།། ཨོཾ་ཧྲཱིཿཔདྨནྟ་ཀྲྀཏ། བཛྲ་མ་ཧཱ་ཀྲོ་དྷ་ཧ་ཡ་གྲཱི་བ
204b4 ཧཱུཾ། ཧུ་ལུ་ཧུ་ལུ་ཧཱུཾ། ཨེ་ཀ་ཛ་ཏི་ཨཱ་ར་ལི་ཧཱུཾ་ཛ། ཁྲོས་པའི་སེམས་ཀྱིས་སྒྲོ་དགུག་བསྟིམ།། གཟིར་ཅིང་མནན་པའི་ལས་བྱས་ན།། སྲིད་པ་གསུམ་ཡང་ཐལ་བར་རློག། ཧཱུཾ། སྲིད་གསུམ་དབང་དུ་སྡུད་པའི་ལྷ།། གར་གྱི
204b5 དབང་ཕྱུག་ཡབ་ཡུམ་གྱི།། སྐུ་གསུང་ཐུགས་ལས་སྤྲུལ་པ་སྟེ།། ཤར་ཕྱོགས་ལོང་བ་རྒྱབ་འབྲེལ་ནི།། འབྲུག་ཆེན་སྔོན་པོ་ཆིབས་སུ་ཆིབས།། ན་བཟའ་ལེ་བརྒན་དཔུང་བཀླུབས་གསོལ།། དབུ་ཡི་རལ་པ་ཚར་རེ
204b6 ལ།། གཟའ་རྒོད་མིག་དམར་ཆར་དུ་འབེབས།། ལྷོ་ཕྱོགས་ལོང་བ་རྒྱབ་འབྲེལ་ནི།། ལྕགས་ཀྱི་དཱཾ་པཱི་ཆིབས་སུ་ཆིབས།། ཕྱག་ན་ལྕགས་ཀྱི་ཁྱུང་སྡེར་བསྣམས།། ན་བཟའ་གསེར་གྱི་རལ་ག་གསོལ།། དབུ་ཡི་རལ་པ
iiif viewer powered by OpenSeadragon
