| e-texts navigator |
| Wylie |
203a1 ཡས་ནམ་མཁའི་ཚད་དང་མཉམ།། ཀ་བ་ཡིད་བཞིན་རིན་ཆེན་མཆོག་ལས་གྲུབ།། སྤྲིན་མེད་ཉི་མ་བདུན་བརྩེགས་གསལ་བར་བརྒྱན།། འགྱུར་མེད་འཇིགས་སྤངས་སེང་གེའི་ཁྲི་ལ་བཞུགས།། མགོན
203a2 པོ་དཔའ་བོ་སངས་རྒྱས་ཆོས་ཀྱི་སྐུ།། མི་གཡོ་བརྡལ་བ་རྡོ་རྗེ་ལྷུན་པོ་འདྲ།། གཟི་བརྗིད་ཉི་མ་བྱེ་བ་སྟོང་བས་ལྷག། ཡོན་ཏན་བསམ་ཡས་བསྐལ་པར་བརྗོད་མི་ལང་།། མཁའ་འགྲོ་འབར་བའི་ཚོགས་ཆེན་མང་པོས
203a3 བསྐོར།། མཐུ་ཆེན་མཛེས་པས་མ་མོ་བརྒྱད་དང་རོལ།། ཁྲོ་རྒྱལ་ཁྲོ་ཆེན་མེ་ཡི་ཞགས་པ་བསྣམས།། ཡེ་ཤེས་ཉི་མ་གསལ་བའི་གདན་ལ་བཞུགས།། ཞལ་གདངས་གསལ་བས་ཉི་མ་ཟླ་བའི་འོད།། བཞད་པའི་གད
203a4 རྒྱངས་འབྲུག་སྟོང་ལྡིར་བ་ཡིས།། ནམ་མཁའ་ཁྱབ་པར་བཤུག་པར་རབ་གསུངས་པས།། རབ་ཏུ་འཇིགས་པ་གསུང་གི་བྱིན་གྱིས་འདུལ།། མཁའ་ལྟར་དག་ཅིང་མཚོ་ལྟར་གཏིང་དཔག་དཀའ།། དུས་གསུམ་རྒྱལ་བ
203a5 མ་ལུས་བསྐྱེད་པའི་ཡབ།། ཕྱག་འཚལ་ཁྲག་འཐུང་རྡོ་རྗེ་སྐུ་ཁྱོད་ལའོ།། ཕྱི་ཡི་ཕྱག་བརྙན་མང་པོའི་ཚོགས་རྣམས་ཀྱིས།། དྲག་པོའི་ཕྲིན་ལས་མ་ལུས་རྫོགས་པར་མཛད།། དཔལ་ཆེན་ཕྱག་བརྙེན་རྡོ་རྗེ་ལྷ་མོའི
203a6 ཚོགས།། དམ་ལས་མ་འདའ་ཕྲིན་ལས་རྫོགས་པར་མཛོད།། ནོངས་དྲན་རྗེས་སུ་འགྱོད་པས་བཟོད་པར་གསོལ།། བདག་གིས་དམ་ཉམས་བསྐང་ནས་བཟོད་པར་གསོལ།། བཅོམ་ལྡན་དཔལ་ཆེན་ཁྱོད་ཀྱི་ཐུགས
iiif viewer powered by OpenSeadragon
