| e-texts navigator |
| Wylie |
201b1 དོར་མེད་པའི་བརྟུལ་ཞུགས་ཀྱིས།། གར་གྱི་དབང་ཕྱུག་རོལ་པ་བྱ།། ཆོས་ཀྱི་དབྱིངས་སུ་རོ་མཉམ་སྟེ།། གང་སྤྱད་མཉམ་པ་རོ་གཅིག་ན།། རྣལ་འབྱོར་གར་གྱི་དབང་ཕྱུག་ཡིན།། ཞེས་བཀའ་སྩལ་ཏོ།། དྲེགས་པ་ཚར
201b2 གཅོད་པའི་རྒྱུད་ལས། བརྟུལ་ཞུགས་ཆེན་པོ་བཞིའི་ལེའུ་སྟེ་བཅུ་པའོ།། །། དེ་ནས་ཡང་བཅོམ་ལྡན་འདས་པདྨ་དབང་ཆེན་གྱིས་སྐུ་ཆེ་བ་ལ་བསྟོད་པ་དང་། རྣལ་འབྱོར་དབང་ཕྱུག་ཆེན་པོའི་ཏིང་ངེ་འཛིན
201b3 གསལ་གདབ་པ་འདི་བཀའ་སྩལ་ཏོ།། ཆོས་སྐུ་དག་པས་མཚན་མ་ཀུན་སྤངས་ཀྱང་།། ཐུགས་རྗེའི་དབང་གིས་གདུག་པ་འདུལ་བའི་ཕྱིར།། ཤིན་ཏུ་མི་བཟད་ཁྲོ་བོའི་ཚུལ་སྟོན་པ།། ཡིད་བཞིན་སྐུ་མཆོག་རྣམ་པ་ཅིར
201b4 ཡང་སྟོན།། དུས་གསུམ་རྒྱལ་བ་ཀུན་གྱི་དཔལ་གྱི་སྐུ།། རེ་བ་ཀུན་སྐོང་དཔག་བསམ་ལྗོན་པའི་ཤིང་།། བསམ་འདས་བརྗོད་མེད་རྣམ་རྟོག་སྤྲོས་བྲལ་བས།། མཉམ་ཉིད་ནམ་མཁའ་མཉམ་ལ་ཕྱག་འཚལ
201b5 བསྟོད།། མཁའ་ལྟར་དག་པས་གཉིས་མེད་ཆོས་ཀྱི་དབྱིངས།། འགྲོ་བའི་དཔལ་རྟེན་འཕགས་ལམ་འདྲེན་པའི་གཙོ།། རྨད་བྱུང་ཕྲིན་ལས་མ་ལུས་ཀུན་མཁྱེན་པ།། འཁོར་བའི་སྡུག་བསྔལ་སེལ་ལ་ཕྱག་འཚལ
201b6 བསྟོད།། ཧཱུཾ། ཁྲོ་བོའི་རྒྱལ་པོ་འཇིགས་བྱེད་ཧཱུཾ་སྒྲ་ཅན།། ཧཱུཾ་གི་ཁམས་གསུམ་མ་ལུས་དབང་དུ་སྡུད།། ཧཱུཾ་གིས་དུས་གསུམ་མ་ལུས་ཐམས་ཅད་བསྐྱེད།། ཧཱུཾ་གིས་བླ་མེད་བྱང་ཆུབ་གནས་སུ་བགྲོད།། ཧཱུཾ་གིས་བདུད
iiif viewer powered by OpenSeadragon
