| e-texts navigator |
| Wylie |
201a1 དབྱིངས་ཀྱི་ངང་དུ་བསྐུལ།། བྱ་ཡི་བརྟུལ་ཞུགས་འབྱོན་ཚུལ་གྱིས།། གཡས་སུ་འཇོལ་ཞིང་གཡོན་དུ་བལྟ།། ཕྱིར་ལ་ནུར་ཞིང་སྔོན་དུ་རྒྱུག། གང་ལ་དམིགས་པར་གཟན་དམར་བཟའ།། རོལ་པའི་ཚུལ
201a2 གྱིས་ཟ་བར་བྱ།། ཁྱི་ཡི་བརྟུལ་ཞུགས་ཆེན་པོ་ཡིས།། ཐུགས་རྗེས་མེལ་ཚེས་འཁོར་བ་བསྲུང་།། རིག་པ་སེམས་ཀྱི་དབང་པོ་ཡིས།། ཕྱི་ནང་ཡུལ་ལ་ཐོགས་པ་མེད།། ཁམས་གསུམ་འཁོར་བ་ཐུགས་རྗེའི་ཞིང་།། ཆོས
201a3 ཉིད་མཉམ་པའི་ངང་དུ་སྦྱར།། གང་ལ་དམིགས་པའི་དྲེགས་པ་ཅན།། དཔལ་གྱི་ཁྱི་བརྒྱད་བརྟུལ་ཞུགས་ཀྱིས།། ཕྱོགས་མཚམས་རྔམ་པའི་རྒྱུག་ཚུལ་བྱ།། ཉེ་རིང་མེད་པའི་བརྟུལ་ཞུགས་སྤྱད།། དབང་པོ་ཡེ
201a4 ཤེས་ཐོགས་མེད་པས།། གང་དམིགས་ཡུལ་ལ་རོལ་པར་བྱ།། ཕག་གི་བརྟུལ་ཞུགས་ཆེན་པོ་ཡིས།། ཁམས་གསུམ་འཁོར་བའི་ཁྲོན་པ་ལ།། ཐུགས་རྗེའི་རོལ་པའི་ཟས་བཙལ་ལ། བླང་དོར་མེད་པའི་སྤྱོད་པ
201a5 དང་།། གཙང་སྨེ་མེད་པར་ཟ་བར་བྱ།། གང་ལ་དམིགས་པའི་ཁྲོན་པ་རུ།། ཕག་གི་བརྟུལ་ཞུགས་སྟོབས་འཆང་བས།། ཐོག་མེད་མྱུར་བའི་བཙན་ཐབས་ཀྱིས།། དྲེགས་པ་ཐམས་ཅད་གཟིར་བར་བྱའོ།། གང་གིས
201a6 བརྟུལ་ཞུགས་འདི་སྤྱོད་ཚེ།། ཆགས་མེད་དོན་གྱི་ངོ་ཚ་ཡང་།། མ་སྤངས་བླང་དོར་མེད་པར་སྤྱད།། རྣམ་དག་དོན་གྱི་གཙང་སྦྲ་ཡང་།། མི་སྤང་བླང་དོར་མེད་པར་སྤྱད།། མཚན་མ་གཞོམ་ཕྱིར་དགེ་སྡིག་མཉམ།། བླང
iiif viewer powered by OpenSeadragon
